Iobu

15 KUA karanga aturā Eliphaza ngati Temana, na ko atura,

2 Ei manako tarevakaua ainei ta te tangata pakari kia tuatua mai e e akaki ua ainei i tona kopu ki te maoake?

3 Ei tuatua puapinga kore ainei tana kia taumāro mai? e i te au tuatua apinga kore?

4 Koia ïa, te akapuapinga kore nei koe i te mataku, e te akatopa nei koe i te pure ki mua i te aroaro o te Atua.

5 Na to vaa oki i akakite mai i toou kino, kimi uaʼi koe i te arero o te aronga pakari.

6 Na toou uaorai vaa koe i akaapa, kare au: koia ïa, te tapepe nei toou reo ia koe uaorai.

7 Ko koe ainei to te tangata nei i anau ana? e ko koe ainei tei angaia ou te au tuaivi nei?

8 Kua akarongo ainei koe i te tuatua muna a te Atua? e te tāpu nei ainei koe i te pakari noou uaorai?

9 Eaa taau i kite, e ko matou o nei te kite kore? tei taka ia koe, e kare o roto ia matou nei?

10 Tei i o matou te aronga taito, e tei inaina te mimiti, tei maata to ratou au rā i to toou metua ra.

11 E mea ngiti ainei naau ta te Atua akapumaana anga? te manga tuatua i tuatua maruia atu kia koe na?

12 Eaa koe i apai keiaʼi e to ngakau? e i ukiuki ei o mata ki te aa,

13 I patoi ei to ngakau i te Atua, e i maringi ua mai ei to tuatua no roto i to vaa?

14 Eaa oki te tangata nei, ka viivii kore ei aia? e ta te vaine nei i anau, ka riro ei tana ei tuatua-tika?

15 I na, i tona aronga tapu ra, kare aia i irinaki atu; kare oki te au rangi ra i te mea viivii kore ki mua i ona mata.

16 Ka tanga atu ei oki i te mea rikarika e te viivii ra i te tangata nei, ko tei inu ua i te kino mei te vai ra!

17 Ka akarongo mai ana kiaku, e naku e akakite atu kia koe; ko taku i akara ra, ko taku ïa e akakite atu;

18 I ta te aronga pakari i akakite, no to ratou au tupuna mai, e kare i uuna:

19 Ko tei orongaia te enua kia ratou anake ra, e kare e tangata ke i na roto ia ratou.

20 E tumatetenga to te tangata kino e ope rava ake ona puke rā; e mea kitea kore ïa to te takinga-kino ra au mataiti.

21 Tei roto i ona taringa te rongo rikarika: ei te autu nei e rokoia putia uaiaʼi aia e te akapou.

22 Kare ona manako e ka oki mai aia mei roto mai i te poiri, e te tapapaia maira aia e te koke.

23 Te koka aere ua ra aia i te ori kai, i te na koa nga e, Teiea ua akera? kua kite aia e te vaitata maira te rā poiri ki tona rima.

24 E riro na te tumatetenga e te mamae e akamataku mai iaia; e re aia ia raua, mei tei re i te ariki i tei akonokonoia no te tamaki ra.

25 Te akatika ra oki aia i tona rima e patoi i te Atua, e te akaketaketa ra iaia uaorai ki te Mana katoatoa ra.

26 Te oro pu ua ra aia ki runga iaia ma te kaki etaeta, ma te ngai patapatatue o te paruru nona ra:

27 No te mea kua akaki aia i tona mata ki te matu, e kua akangenengene i tona taukupu ki te matu.

28 Kua tanea te au oire tana i noo ra, i roto i te au are noo koreia e te tangata, i tei akonoia ei aronga ututua.

29 Kare aia e riro ei tangata apinga nui, kare oki tana apinga e mou mai, kare oki te meitaki o te reira ra e akapararauaraeia ki runga i te enua nei.

30 Kare aia e ora mai i taua poiri ra; e riro na te mura ai e tamarō i tona au rara, e i te aʼo o tona vaa e peke ke ei aia.

31 Auraka tei pikikaaia ra e irinaki ki te mea puapinga kore: ko te puapinga kore oki tana tutaki.

32 Kare e tae ki tona tuatau, e tupu ei teia, kare oki tona rara e vaoo mata ua mai.

33 Ka makaiore tona ua mei te vine ra, e ka ngaoro tona pua tiare mei te olive ra.

34 E riro te uipa anga o te tangata pikikaa i te ikoke ua, e ka oki te au puakapa o te rave tutaki ra i te ai.

35 Kua to ratou i te kino, e anau maira i te mea puapinga kore, e te akonokono ra to ratou kopou i te pikikaa.