Iobu

18 KUA karanga aturā Biladada ngati Sua, na ko atura,

2 Aea ra ta kotou tuatua e mutu ei? ka akono meitaki, ka karanga atu ei matou

3 Eaa matou i akariroiaʼi mei te puaka, e i akavaavaaiaʼi ki mua i to kotou mata?

4 Te aeae nei aia iaia uaorai i tona riri: e akarukeia ainei te enua noou? e ka akataka keia ainei te mato i tona vairanga?

5 Ko te mārama oki o te aronga kino, e tamateia ïa, kare oki te panapana anga o tana ai e kakā mai.

6 E riro te mārama ei poiri i tona puakapa, e tana mori ki runga iaia ra, e tamateia ïa.

7 Te aerenga maroiroi nona, e akakopiriia ïa, e riro oki na tana uaorai tuatua ako e opara iaia ki raro.

8 Na tona uaorai vaevae i taei iaia ki te kupenga, e te aaere ra aia na runga i te ereere.

9 E piritia tona poo vaevae e te vaooni, e mouia aia e te aronga āru.

10 Kua uunaia te ereere nona ki raro i te one, e tei te arataa tona ii i te tuku anga.

11 E akapiniia aia e te au mea matakutaku e pini ua ake, e mei te mea te arumaki maira, e oro ua atura aia.

12 E pou tona maroiroi i te onge, e te noo maira te mate ki tona taakaokao.

13 Na te reira e pou ei te ketaketa anga o tona kiri: na te tama mua o te mate e kai i tona ririnui.

14 Tana i irinaki ra, e kiriti tumuia ïa i tona ra puakapa, e i te reira e tae atu ei aia ki te ariki i matakuia ra.

15 Ka vai rai te mataku i roto i tona ra puakapa, no te mea, kare ia nona: ka ruruia te teio ki rungao i tona nooanga.

16 E marō tona au aka i raro, e tona rara i runga ra, e tipuia ïa.

17 E ngaro te manako iaia i runga i te enua nei, e kare ona e ingoa e vai i roto i te arataa.

18 E arumakiia aia mei te mārama atu ki te poiri, e îîa keia aia i te ao nei.

19 Kare ana e tamaiti, kare e mokopuna i roto i tona iti-tangata, kare oki e uraura toe i roto i tona ra au kainga.

20 Ka va ua te au uki e na muri mai iaia i tona ra tuatau, mei tei na mua iaia i rokoia e te mataku.

21 Ko te tu tikai ïa o te nooanga o te tangata kino, e ko te ngai rai teia o tei kore i kite i te Atua.