Exodo

24 KUA tuatua maira aia kia Mose, E aere maira koe ki runga nei kia Iehova ra, ko koe, e ko Aarona, ko Nadaba, e ko Abihu, e te aronga pakari o Iseraela ra kia itu ngauru; e ei te atea ke kotou akamori ei.

2 Ko Mose anake oki te ka akavaitata mai kia Iehova ra; auraka ra ratou e akavaitata mai; auraka katoa te au tangata e kake katoa mai.

3 Kua eke iorā Mose, e kua akakite ki te au tangata i te au tuatua katoa a Iehova ra, e te au tuatua-tau katoa; kua reo tai ua maira te tangata ravarai, na ko maira, Ko te au tuatua katoa ta Iehova i tuatua maira, ka rave ïa matou.

4 Kua tata iorā Mose i te au tuatua ravarai a Iehova ra, e kua tu akera aia ki runga i te popongi roa, kua akatu iora i tetai atarau i te tumu o taua maunga ra, e nga pou okotai ngauru ma rua, no te au kopou o Iseraela tino ngauru ma rua ra.

5 E kua tono akera aia i te tangata ou no te tamariki a Iseraela ra, ko tei apai i te atinga karakaratio kia Iehova ra, e kua oronga oki i te puakatoro, ei atinga au ra.

6 Kua rave akerā Mose i tetai pae i te toto ra, tuku iora ki roto i te au kapu; e kua pîpî atura i tetai pae i te toto ki runga i te atarau.

7 Kua rave akera aia i te buka koreromotu ra, kua tatau iora ki nga taringa o te au tangata ra; kua tuatua maira ratou, Te au mea ravarai ta Iehova i tuatua maira, na matou ïa e rave, e na matou e akarongo.

8 E kua rave akerā Mose i taua toto ra, kua pîpî atura ki rungao i taua au tangata ra, e karanga atura, Ka akara mai ana i te toto o te koreromotu, ta Iehova i papau io nei ia kotou no te au tuatua katoa nei.

9 Aere aturā Mose, e ko Aarona, ko Nadaba, e ko Abihu, e e itu ngauru o te aronga pakari o Iseraela, ki runga:

10 Kite atura ratou i te Atua o Iseraela: e mei te pauu toka saphiro areare ki raro ake i tona vaevae, e mei te rangi tikai ra te kakāanga.

11 E kare ra aia i akatika ua mai i tona rima ki runga i taua ui mataiapo tamariki a Iseraela ra: kite uaʼi ratou i te Atua, e kua kaikai oki ratou, e kua inu katoa oki.

12 Kua tuatua mairā Iehova kia Mose, E aere mai koe ki runga i te maunga kiaku nei, noo ei; e ka tuku atu au i nga papa toka kia koe ra, ma te ture, e te akauenga i tataia e au nei; kia apii atu koe ia ratou.

13 Kua tu akerā Mose ki runga, e tona tauturu ra ko Iosua; e aere aturā Mose ki runga i te maunga o te Atua ra.

14 Iku iora ra aia i te aronga pakari ra, Ka tapapa kotou i ku nei ia maua, e kia oki mai maua kia kotou: e i na oki, ko Aarona raua ko Hura tei ratopu ïa ia kotou: e tuatua ta tetai tangata ra, e aere mai aia kia raua ra.

15 E aere aturā Mose ki runga i te maunga: e tapokiia maira taua maunga ra e te tumurangi ra;

16 E vaoo marie iora te kakā o Iehova ki runga i taua maunga ra ko Sinai, e ngaro iora i te tumurangi e po ono akera: e tae akera ki te rā itu, kua kapiki maira aia kia Mose i rotopu i taua tumurangi ra.

17 E te tu o te kakā o Iehova ki runga i te take maunga ra, mei te ai kakai ra ïa ki nga mata o te tamariki a Iseraela.

18 E kua tomo aturā Mose ki roto roa i taua tui murangi ra, e kua kake atura i taua maunga ra: e e a ngauru anga o Mose rā, e a ngauru oki po, i rungao i taua maunga ra.