Numero

2 KUA tuatua mairai a Iehova kia Mose raua ko Aarona, na ko maira, 2 E patia te tamariki ravarai a Iseraela i to ratou puakapa, ko te tangata ko tona reva, e te rave katoa no te ngutuare o tona metua: ei te atea ke ratou e patiaʼi e pini ua ake te Are uipaanga ra.

3 Ko te reva o te puakapa o Iuda ra, ei te pae i te itinga o te rā, ratou e patiaʼi, i to ratou au nuku: e te rangatira o te tamariki a Iuda ra, ko Naasona ïa te tamaiti a Aminadaba ra.

4 E tona nuku, ko ratou oki tei tatauia ra, e itu ïa ngauru e a ara i te tausani, e ono oki anere.

5 E te puakapa i vaitata iaia i tetai pae ra, ko te kopu ïa o Isakara ra: e te rangatira o te tamariki a Isakara ra, ko Netaneela ïa te tamaiti a Zuara re. 6 E tona nuku, ko ratou oki tei tatauia ra, e rima ïa ngauru e a ara i te tausani, e a oki anere.

7 E tetai pae ra, ko te kopu ïa o Zebuluna ra: e te rangatira o te tamariki a Zebuluna ra, ko Eliaba ïa te tamaiti a Helona ra. 8 E tona nuku, ko ratou oki tei tatauia ra, e rima ïa ngauru e itu ara i te tausani, e a oki anere. 9 Te aronga katoa i tatauia i te puakapa o Iuda ra, okotai ïa anere e varu ngauru e ono ara i te tausani, e a oki anere, i to ratou au nuku. E na mua ïa ratou kia aere ra.

10 E te reva o te puakapa o Reubena ra i to ratou au nuku, ei te pae i apatonga ïa: e te rangatira o te tamariki a Reubena ra, ko Elizura ïa te tamaiti a Sedeura ra. 11 E tona nuku, ko ratou oki tei tatauia ra, e a ïa ngauru e ono ara i te tausani, e rima oki anere.

12 E te puakapa i vaitata iaia i tetai pae ra, ko te kopu o Simeona ïa: e te rangatira o te tamariki a Simeona ra, ko Selumiela ïa te tamaiti a Zurisadai ra. 13 E tona nuku, ko ratou oki tei tatauia ra, e rima ïa ngauru e iva ara i te tausani, e toru oki anere.

14 Ei reira, ko te kopu o Gada ïa: e te rangatira o te tamariki a Gada ra, ko Eliasapka ïa te tamaiti a Deuela. 15 E tona nuku, ko ratou oki tei tatauia ra, e a ïa ngauru e rima ara i te tausani, e ono oki anere, e rima ngauru.

16 Ko te aronga katoa i tatauia i te puakapa o Reubena ra, okotai ïa anere e rima ngauru e tai ara i te tausani, e a oki anere, e rima ngauru, i to ratou au nuku. Ko te pupu rua ïa ratou kia aere ra.

17 E ko rotopu i etai au puakapa ra, ko te puakapa ngati Levi ïa ma te Are uipaanga katoa i te aere anga ra: mei tei te puakapa anga ra, e pera katoa ratou i te aere, ko te tangata ko tona uaorai ngai tikai, i raro ake i tona uaorai reva.

18 E te reva o te puakapa o Epheraima i to ratou au nuku, ei te pae ei te opunga o te rā ïa: e te rangatira o te tamariki a Epheraima ra, ko Elisama ïa te tamaiti a Amiuda ra. 19 E tona nuku, ko ratou oki tei tatauia ra, e a ïa ngauru i te tausani, e rima oki anere.

20 E vaitata iaia i tetai pae ra, ko te kopu o Manase ïa: e te rangatira o te tamariki a Manase ra, ko Gamaliela ïa te tamaiti a Pedazura ra. 21 E tona nuku, ko ratou oki tei tatauia ra, e toru ïa ngauru e rua ara i te tausani, e rua oki anere.

22 E tei tetai pae ra, ko te kopu o Beniamina ïa: e te rangatira o te tamariki a Beniamina ra, ko Abidana ïa te tamaiti a Gideoni ra. 23 E tona nuku, ko ratou oki tei tatauia ra, e toru ïa ngauru e rima ara i te tausani, e a oki anere.

24 Ko te aronga katoa i tatauia i te puakapa o Epheraima ra, okotai ïa anere e varu ara i te tausani, okotai oki anere, i to ratou au nuku. Ko te pupu toru ïa ratou kia aere ra.

25 E te reva o te puakapa o Dana ra, i to ratou au nuku, ei te pae i apatokerau ra ïa: e te rangatira o te tamariki a Dana ra, ko Ahiezera ïa te tamaiti a Amisadai. 26 E tona nuku, ko ratou oki tei tatauia ra, e ono ïa ngauru e rua ara i te tausani, e itu oki anere.

27 E te puakapa i vaitata iaia i tetai pae ra, ko te kopu o Asera ïa; e te rangatira o te tamariki a Asera ra, ko Pagiela ïa te tamaiti a Okarana ra. 28 E tona nuku, ko ratou oki tei tatauia ra, e a ïa ngauru okotai ara i te tausani, e rima oki anere.

29 E tei tetai pae ra, ko te kopu o Naphatali ïa: e te rangatira o te tamariki a Naphatali ra, ko Ahira ïa te tamaiti a Enana ra. 30 E tona nuku, ko ratou oki tei tatauia ra, e rima ïa ngauru e toru ara i te tausani, e a oki anere.

31 Ko te aronga katoa i tatauia i te puakapa o Dana ra, okotai ïa anere e rima ngauru e itu ara i te tausani, e ono oki anere. E na muri ratou i te aere ma to ratou au reva.

32 Ko to te tamariki a Iseraela teia i tatauia, i na te ngutuare ia o to ratou ai metua: taua au puakapa katoa i tatauia ra, to ratou katoa ra au nuku, e ono ïa anere o toru ara i te tausani, e rima anere, e rima ngauru.

33 Kare ra te ngati Levi i tatau katoaia i roto i te tamariki a Iseraela; i ta Iehova i akaue mai kia Mose ra: 34 Kua pera oki te tamariki a Iseraela i te au mea katoa ta Iehova i akaue mai kia Mose ra: kua pera ratou i te puakapa anga i vaitata i to ratou au reva, e kua pera oki ratou i te aere anga, ko te tangata ko tona uaorai kopu-tangata, i te ngutuare o tona ra metua.