1 Paraleipomeno
4 TE AU tamariki a Iuda ra; ko Phareza ïa, ko Hezerona, e ko Karimi, e ko Hura, e ko Sobala.
2 Anau maira ta Reaia, te tamaiti a Sobala, ko Iahata; anau maira ta Iahata ko Ahumai, e ko Lahada. Ko nga kopu-tangata ïa no to Zorea.
3 Teia to Etama metua; ko Iezereela, e ko Isema, e ko Idebasa: e te ingoa o to ratou tuaine ko Hazeleleponi:
4 E ko Penuela ïa te metua no Gedora, e ko Ezera te metua no Husa. Ko nga tamariki ïa a Hura, te tama mua na Epherata, te metua no Betelehema.
5 Toko rua a te metua o Tekoa a Asura vaine, ko Hela e ko Naara.
6 Anau maira ta Naara kiaia, ko Ahuzama, e ko Hephera, e ko Temeni, e ko Ahasetari: ko nga tamariki ïa a Naara.
7 Nga tamariki a Hela ra; ko Zereta ïa, ko Iezoara, e ko Etenana.
8 Anau maira ta Koza ko Anuba, e ko Zobeba, e nga kopu-tangata o Aharela te tamaiti a Aruma.
9 E kua maatā Iabeza i te meitaki i to tona ai taeake: tapa iora te metua vaine i tona ingoa ko Iabeza, tuatua akera, Anau mai au iaia ma te aue.
10 Kua tautopa aturā Iabeza ki te Atua no Iseraela, na ko atura, Naringa koe e akameitaki roa mai iaku e, e akamaata mai i toku nei ngai e, e ei iaku nei to rima e, e tiaki mai oki koe iaku auraka ei kino e, ko te riro aea ei aue noku e! Kua oronga maira te Atua i tana i pati ra.
11 Anau maira ta te taeake o Sua ta Keluba ko Mehira, koia te metua no Esetona.
12 Anau maira ta Esetona ko Bete-rapha, e ko Pasea, e ko Tehina, te metua no Ire-nahasa. Ko nga tangata teia no Reka.
13 Ko ta Kenaza puke tamariki; ko Oteniela ïa, e ko Seraia; e ko ta Oteniela puke tamariki, ko Hatata.
14 Anau maira ta Meonotai ko Ophera: anau maira ta Seraia ko Ioaba, te metua o to te o ra o te au taunga, e au taunga rave angaanga oki ratou.
15 Ko nga tamariki a Kaleba te tamaiti a Iephune; ko Iru ïa, ko Ela, e ko Naama: e ko nga tamariki a Ela ra; ko Kenaza ïa.
16 Ko ta Iehalelela puke tamariki; ko Zipa ïa, e ko Zipha, ko Tiria, e ko Asareela.
17 Ko ta Ezera puke tamariki; ko Ietera ïa, e ko Mereda, e ko Ephera, e ko Ialona; e anau maira tana ko Miriama, e ko Samai, e ko Iseba te metua o Esetemoa.
18 Anau maira te vaine nana ta Iehudia, ko Iereda te metua o Gedora, e ko Hebera te metua o Soko, e ko Iekutiela te metua o Zanoa. Ko nga tamariki ïa a Bitia te tamaine a Pharao i raveia e Mereda.
19 E nga tamariki a te vaine nana na Hodia te tuaine no Nahama, te metua no Keila i Garami, e ko Esetemoa i Maaka.
20 Nga tamariki a Simona ra; ko Amanona ïa, e ko Rina, ko Bene-hana, e ko Tilona. Ko ta Isi ra puke tamariki; ko Zoheta ïa, e ko Bene-zoheta.
21 Nga tamariki a Sela te tamaiti a Iuda ra; ko Era ïa te metua o Leka, e ko Lada te metua o Maresa, no te au kopu-tangata o te are o ratou tei angaanga i te orongā meitaki ra, no te are o Asebea.
22 E ko Iokima, e te au tangata no Kozeba, e ko Ioasa, e ko Sarapha, tei ia ratou te au i Moabi, e Iasubi-lehema. Mea taito ïa au mea.
23 Ko te aronga potera ïa, ko tei noo i Netaima ma Gedera: noo iora ratou i reira i o te ariki ra, ei rave i tana angaanga.
24 Nga tamariki a Simeona ra; ko Nemuela ïa, e ko Iamina, ko Iariba, ko Zera, ko Saula;
25 Ko tana tamaiti ra ko Saluma ïa, ko tana tamaiti ra ko Mibesama ïa, ko tana tamaiti ra ko Misama ïa.
26 E nga tamariki a Misama; ko tana tamaiti ra ko Hamuela ïa, ko tana tamaiti ra ko Zakura ïa, ko tana tamaiti ra ko Simei ïa.
27 Okotai ngauru ma ono a Simei tamariki e toko ono tamaine; kare ra i maata te tamariki a tona au taeake, kare oki to ratou au kopu-tangata i maata, mei te tamariki a Iuda ra.
28 Noo atura ratou i Bere-seba, e i Molada, e i Hazarasuala,
29 E i Bila, e i Ezema, e i Tolada,
30 E i Betuela, e i Hora-ma, e i Zikelaga,
31 E i Bete-marekapa, e i Hazara-susima, e i Bete-birei, e i Saarima. Ko to ratou ïa au oire e tae rava akenei ki te au o Davida.
32 E to ratou au vila, ko Etama, e ko Aina, ko Rimona, e ko Tokena, e ko Asana, e rima ïa puke oire.
33 E to ratou au vila katoa i te akapini anga i taua au oire ra, e tae ua atu ki Baala. Ko to ratou ïa noo anga, e ko to ratou teia anauanga.
34 E ko Mesobaba, e ko Iameleka, e ko Iosa te tamaiti a Amazia,
35 E ko Ioela, ko Iehu te tamaiti a Iosibia, te tamaiti a Seraia, te tamaiti a Asiela,
36 E ko Elioenai, e ko Iaakoba, e ko Iesohaia, e ko Asaia, e ko Adiela, e ko Iesimiela, e ko Benaia,
37 E ko Ziza te tamaiti a Siphi, te tamaiti a Alona, te tamaiti a Iedia, te tamaiti a Simeri, te tamaiti a Semaia;
38 Ko taua aronga i akakiteia nei te ingoa, e mataiapo tutara anake ïa i to ratou au kopu-tangata; e te ngutuare o to ratou ai metua tupu atura i te maata anga.
39 Aere atura ratou ki o Gedora i te tomo anga atu, ki te pae i te itinga o te rā ra i taua o ra, e kimi i te kai na ta ratou au anana.
40 E kua kite atura ratou i te ngai kai maata e te meitaki, e te enua takatakaāu, e te noo marie ua, e te kanga kore; no ko ra i o Hama ra to reira tangata mei tupua mai.
41 E taua aronga i tataia te ingoa nei, i te au rā o te ariki o Iuda o Hezekia, kua aere atura ratou e ta i to ratou puakapa, e te au are katoa i kitea i reira, e kua tairipoti rava ia ratou, e tae rava akenei ki teianei rā, e kua noo iora i reira ei tupau ia ratou; no te mea e kai to reira na ta ratou au anana.
42 Riro atura oki tetai pae o ratou to te tamariki a Simeona, e rima anere tangata, ki te maunga ra ki Seira, e to ratou au rangatira ko Peletia, e ko Nearia, e ko Rephaia, e ko Uziela, nga tamariki a Isi.
43 Ta iora ratou i te toenga o to Amaleka i ora ra, e kua noo iora i reira e tae rava akenei ki teianei rā.