Ezera

3 E TAE akera ki te itu o te marama, ko te tamariki a Iseraela i roto i te au oire, te au tangata ra, kua uipa katoa maira, mei te tangata okotai, i Ierusalema.

2 Kua tu mairā Iesua te tamaiti a Iozadaka, e tona ai taeake te kau taunga, e Zerubabela te tamaiti a Salatiela, e tona ai taeake, e kua akatu iora i te atarau a te Atua o Iseraela, ei apai i te atinga karakaratio ki rungao, tei tataia i roto i te ture a te tangata o te Atua ra a Mose.

3 Kua akatu akera ratou i taua atarau ra ki tona turanga tikai; te vai ra oki te mataku i runga ia ratou, no te au tangata i taua pa enua ra: e kua apai ratou i te au atinga karakaratio ki rungao na Iehova, e atinga karakaratio no te popongi e no te aiai.

4 Kua akono oki ratou i te oroa patia anga puakapa ra, tei tataia ra oki, e kua apai i te au atinga karakaratio i tatauia no te au rā ra, tei akakiteia maira; e tau tikai ki to te au rā katoa;

5 E i muri ake i te reira, ko te atinga karakaratio tamouia ïa, to te au marama ou, e to te au oroa akonoia katoa ra no Iehova i akatapuia ra, e to ratou ravarai tei apai ua i te au mea oronga uaia ra na Iehova.

6 Mei te rā mua mai o taua marama itu ra, kua akamata iora ratou i te apai i te atinga karakaratio na Iehova. Kare ra te tango o te nao o Iehova i akamouia.

7 Kua apai oki ratou i te moni na te au taunga tarai toka, e te tarai rakau; e te kai, e te mea inumia, e te inu, na to Sidona, e to Turia, kia apai mai ratou i te arezi i Lebanona ki taatai ra ki Iopa, ko tei akatikaia mai e te ariki o Peresia e Kuro kia ratou.

8 E tae akera ki te rua o te mataiti o to ratou aerenga mai ki te are o te Atua i Ierusalema, i te rua oki o te marama, kua akamata iorā Zerubabela te tamaiti a Salatiela, e Iesua te tamaiti a Iozadaka, e to ratou ai taeake i toe i te kau taunga e te au ngati Levi, e te aronga katoa i aere mai mei te tuikaa mai ki Ierusalema; e kua akono atura i te ngati Levi, ko tei tae ki te takau okotai o te mataiti e runga atu, i te akamaroiroi i te angaanga i te are o Iehova.

9 Kua tu mairā Iesua e tana au tamariki, e tona ai taeake, ko Kadimiela e tana au tamariki, te au tamariki a Iuda, kua tavaitai i te akamaroiroi anga i te aronga rave angaanga i te are o te Atua: te au tamariki a Henadada, e ta ratou au tamariki, e to ratou au taeake te ngati Levi.

10 E kia akamou te au taunga i te tango o te nao o Iehova, kua akanoo iora ratou i te kau taunga ma to ratou kakau e te pu katoa ra, e te au ngati Levi, te au tamariki a Asapha, ma te au sumebalo, ei akapaapaa ia Iehova, i tei akonoia e te ariki o Iseraela e Davida.

11 Kua imene pupu iora ratou i te akapaapaa anga, e te akameitaki anga ia Iehova, no te mea e meitaki tona, e tu oki tona aroa e rimua ia Iseraela. Maeva atura te tangata katoa, e maeva maata, i te akameitaki anga ia Iehova, no te mea kua tamouia te tango o te are o Iehova.

12 E manganui ra to te kau taunga, e te au ngati Levi, e te aronga mataiapo tutara, e aronga tangata metua, tei kite i tei muatangana are, kia akamouia ra te tango o teianei are ki mua i to ratou mata, kua aue atura ma te reo maata; e manganui oki tei maeva nui i te rekareka;

13 Kare atura te tangata i kite i te reo i maeva i te rekareka, e te reo aue o te tangata ra: e maeva maata oki to te tangata, e kua tae rava te maorooro ki te mamao ke.