Exodo

31 KUA tuatua mairā Iehova kia Mose, na ko maira,

2 I na, kua taiku akenei au i te tamaiti a Uri, te tamaiti a Hura, no te kopu o Iuda, i tona ra ingoa ia Bezaleela:

3 E kua akaki au iaia ki te Vaerua o te Atua, i te pakari, e te karape, e te kite, e te au angaanga katoa ra,

4 Ei kimi i te angaanga pakari ra, kia angaanga i te auro, e te ario, e te veo,

5 Ei kokoti oki i te toka, e ei akamou ki roto i te vairanga ra, ei tarai rakau oki, no te au angaanga tini ravarai kia raveia.

6 E i na, kua kapiti katoa atu au ia Aholiaba, te tamaiti a Ahisamaka, no te kopu o Dana, kiaia: e kua tuku au i te pakari ki roto i te ngakau o te aronga karape katoa ra, kia anga ratou i te au mea ravarai taku i akaue atu kia koe ra:

7 I te Are uipaanga ra, e te aruna kite ra, e te tapoki ki rungao, e te au mea katoa o te Are ra,

8 E te kaingakai e te au mea no te reira, e te vairanga lamepa auro meitaki ra, e te au mea katoa no te reira, e te vairanga lamepa auro meitaki ra, e te au mea katoa no te reira, e te atarau atinga kakara ra,

9 E te atarau atinga karakaratio ra, e te au mea ravarai no te reira, e te āriki vai e tona vaevae,

10 E te au kakau taoonga ra, e te au kakau tapu no te taunga ra, no Aarona, e te au kakau no tana au tamariki, i te rave anga i te taoonga taunga ra,

11 E te manongi akatainu ra, e te atinga kakara no te ngai-tapu ra: ko te au mea ravarai taku i akaue atu kia koe ra, na ratou e rave.

12 Kua tuatua mairā Iehova kia Mose, na ko maira,

13 E tuatua rai oki koe ki te tamariki a Iseraela, na ko atura, E akono tikai kotou i toku au sabati; e akairo oki te reira naku e na kotou, e ope ua ake te au uki no kotou na; kia kitea e, ko au nei ko Iehova, tei akatapu ia kotou.

14 E teianei, ka akono ïa kotou i te sabati; e mea tapu oki te reira ia kotou: e te tangata ravarai e akakino i te reira rā, ka tamate takiriia ïa: ko tei rae oki i te angaanga i te reira rā, e tipu keia ïa tangata i roto i tona uaorai iti-tangata.

15 E tika kia rave i te angaanga i nga rā e ono ra; kareka te itu ra e sabati akangaroi anga ïa, e tapu ïa no Iehova: ko tei rave i te angaanga i te rā sabati, ka tamate takiriia ïa.

16 E teianei, ka akono te tamariki na Iseraela i te sabati, e akariro oki ei akangaroi anga, e ope ua ake to ratou au uki, ei koreromotu mutu kore.

17 Ko te akairo ïa naku, e te tamariki na Iseraela e tuatau ua atu: po ono oki a Iehova i te anga anga i te rangi e te enua, e noo ua iora i te rā itu, e mareka rava atura.

18 E oti akera tana tuatua anga kia Mose ki runga i te maunga ra ko Sinai, kua tuku maira aia i nga papa kite ra kiaia; e papa toka, i tataia e te rima o te Atua ra.