Salamo

6 AURAKA e akamura mai iaku ma te riri, e Iehova, auraka e pāpā mai iaku i te riri maata noou ra.

2 E aroa mai koe iaku, e Iehova, te apikepike nei au: e akaora koe iaku, e Iehova, kua mamae oki toku au ivi;

3 Kua tumatetenga roa oki toku vaerua aea ra koe e tauturu mai ei, e Iehova?

4 E oki mai, e Iehova; kia ora toku vaerua, kia ora oki au i te aroa noou ra.

5 Kare roa te mate e akamaara ia koe: koai oki to te vaarua e akameitaki ia koe?

6 Kua rarangoa au i toku nei ngengeti ua anga; te mauu nei toku roi i te au po katoa nei; toku roimata te akamauu i toku nei roi;

7 Kua naonao toku mata i te aue; kua rarangoa au i rotopu i toku au enemi katoa.

8 Kia atea ke atu kotou, e te aronga i rave i te kino: kua akarongo mai oki a Iehova i taua reo aue noku nei:

9 Kua akarongo mai a Iehova i taku i pati atu, kua āriki mai a Iehova i taku pure.

10 E akama toku au enemi ravarai, e e tumatetenga rava, e akaokiia ratou, e rokoia vaveia e te akama.