Exodo

30 E ANGA oki koe i tetai atarau ei tutungi anga atinga kakara: ei sitima te rakau kia anga koe ra.

2 Okotai kubiti te roa, okotai oki kubiti te pararauare; kia aiteite nga aro e a: kia rua ra kubiti te teitei: te au tara katoa kia okotai rai ïa rakau.

3 E ka vaî oki koe ki te auro meitaki, ko rungao, e tetai pae e tetai pae e pini ua ake, e te au tara katoa oki; ka anga oki koe i te ei auro e pini ua ake.

4 E rua oki tātai auro taau e anga, ka akamou ei ki raro ake i te ei ra, tetai poo e tetai poo; to tetai pae, e to tetai pae taau e anga; ei momonoanga amo oki ei apai.

5 Ei puke amo sitima taau e tarai, e vaî oki i te reira ki te auro.

6 E tuku oki koe i te reira ki mua atu nei i te paruru i te aruna kite ra, ki mua atu oki i te tapoki i rungao i te aruna kite ra, ei reira au e aravei ei ia koe ra.

7 E na Aarona e tutungi i te atinga kakara ki rungao: i te au popongi katoa kia rave aia i te au lamepa, ka tutungi ei aia i te atinga kakara ki rungao ra.

8 E kia tutungi oki a Aarona i te au lamepa i te aiai ra, e tutungi rai aia i te atinga kakara ki rungao ra, ei aunga kakara tamou ki mua i te aroaro o Iehova, e ope ua atu to kotou au uki ra.

9 Auraka ei atinga kakara ke a apaiia ki rungao, e te atinga karakaratio, e te atinga-kai ra; auraka oki te atinga-inu kia riringiia ki rungao ra.

10 Na Aarona ra e apai i te toto o te atinga tarangaara, ei tapokiangaara, okotai mataiti okotai apai anga ki rungao i nga tara ra, ei tapokiangaara: okotai ra ona apai anga i te tapokiangaara ki rungao i te mataiti okotai, e ope roa ake to kotou au uki ra: e mea tapu roa ïa te reira na Iehova.

11 Kua tuatua mairā Iehova kia Mose, na ko maira,

12 Kia tatau koe i te tamariki na Iseraela, i te aronga e tatauia ra, e te maata anga, kia tatauia ratou ra, ei reira te tangata ravarai e apai mai ei i tetai apinga akaora iaia uaorai kia Iehova ra; kia kore e makiia to rotou ia ratou, kia tatauia ratou ra.

13 Teia ta ratou e apai mai, ta te aronga ravarai i tatauia ra, e afa sekela, i te sekela o te ngai-tapu ra: (tera te sekela okotai takau gera:) e afa sekela i te tangata okotai; ei atinga na Iehova.

14 Taua aronga katoa i tatauia ra, ko tei tae ki te rua ngauru o tona mataiti e ara atu oki, ei atinga tana e apai kia Iehova ra.

15 Auraka te tangata apinga e akamaata i tana, auraka te tangata apinga kore e akaiti i tana, ei afa sekela kia apai kotou i te atinga na Iehova ra, ei akaora ia kotou uaorai.

16 Ka rave oki koe i taua moni akaora a te tamariki a Iseraela ra, ka vaoo ei no te peu o te Are uipaanga ra; ei manakoanga i te tamariki na Iseraela ki mua i te aroaro o Iehova ra, ei akaora ia kotou uaorai.

17 Kua tuatua mairā Iehova kia Mose, na ko maira,

18 E anga oki koe i tetai āriki vai veo, e ei veo katoa te vaevae, ei orei anga; ka vaoo ei i te va i te Are uipaanga e te atarau ra, ka tuku oki i te vai ki roto.

19 Kia orei a Aarona e tana au tamariki i to ratou rima e to ratou vaevae ki reira.

20 Kia aere ratou ki roto i te Are uipaanga, e kia aere oki ratou ki te atarau e rave i te taoonga ra, kia taʼu i te atinga ai na Iehova ra; ka orei ratou ki te vai, kia kore oki ratou e mate:

21 Kia orei oki ratou i to ratou rima e to ratou vaevae, kare ïa ratou e mate: ei peu mou oki te reira na ratou, nana e na tona uanga e tae ua atu i to ratou au uki katoa.

22 Kua tuatua mairā Iehova kia Mose, na ko maira,

23 E rave oki koe i te au rakau kakara i tu ke roa ra, i te mura meitaki ra kia rima ïa anere sekela, e te kinamo kakara ei afa ua ïa kia rua oki anere e e rima ngauru, e te kane kakara ra kia rua ïa anere e e rima ngauru,

24 E te kasia kia rima ïa anere, i te sekelo o te ngai-tapu ra, e okotai oki ina manongi olive:

25 Ko taau ïa e anga ei manongi tapu akatainu ra, ei mea iro marieia mei te ravenga a te iro-manongi ra: ei manongi tapu akatainu anga ïa.

26 E ka akatainu koe i te Are uipaanga i te reira, e te aruna kite ra,

27 E te kaingakai e te au mea katoa no te reira ra, e te vairanga lamepa e te au mea no te reira, e te atarau atinga kakara ra,

28 E te atarau atinga karakaratio, e te au mea katoa no te reira, e te āriki vai e tona vaevae;

29 E ka akatapu koe i te reira, kia tapu roa ïa: ko te akatukia ua atu i te reira, ka tapu ïa.

30 E akatainu oki koe ia Aarona e tana au tamariki, e ka akatapu oki ia ratou, kia rave ratou i te taoonga taunga iaku nei.

31 E tuatua oki koe ki te tamariki a Iseraela, e karanga atu, Ei manongi tapu akatainu anga teia noku, e tae ua atu i to kotou au uki katoa ra.

32 Auraka roa teianei manongi e riringiia ki rungao i te kopapa tangata, auraka roa oki kotou e iro i tetai mei te reira te tu: e mea tapu ïa, kia tapu rai ia kotou.

33 Ko te iro i te manongi mei te reira te tu ra, e te tuku i te reira ki rungao i te tangata ke ra, ka tipu keia ïa i tona uaorai iti-tangata.

34 Kua tuatua mairā Iehova kia Mose, E rave koe i te au rakau kakara ra, i te natapha, e te sekelata, e te kelebana, e te tapou kakara meitaki ra, ko nga rakau kakara ra ïa: kia aite katoa te teiaa:

35 Ko taau ïa e anga ei atinga kakara, ei mea iro marieia, mei te ravenga a te iro-manongi ra, kia akataitaiia, ei mea meitaki e te tapu:

36 E ka reru koe i tetai pae i taua rakau ra, e kia ungaungātiti, ka tuku ei ki mua i te aruna kite i te Are uipaanga ra, i te ngai taku e aravei ei ia koe ra: ei mea tapu roa ïa taua mea ra ia kotou.

37 E teianei atinga kakara taau e anga ra, auraka ta kotou uaorai e iroia mei te reira te tu; ei mea tapu ïa te reira ia koe na Iehova.

38 Ko te ka iro i tana ra mei te reira te tu, ei ongi anga nana ra, ka tipu keia ïa i tona iti-tangata.