Isaia

6 I TE mataiti i mate ei te ariki ra ko Uzia, akara atura au i te Atu, i te noo anga ki runga i te terono teitei, e tei runga roa, e kua ki oki te nao i tona ra aveave.

2 Te tu ua ra nga seraphi i vaitata iaia, taki ono o ratou katoa ra peau; ko e rua ra, ei tapoki ïa i tona mata, ko e rua ra, ei tapoki ïa i tona vaevae, ko e rua ra, ei rere anga ïa.

3 E kua kapiki iora tetai ki tetai, na ko akera, E tapu, e tapu, e tapu, to Iehova Sabaota; kua ki te ao katoa nei i tona kakā.

4 Kua ngaueue iora nga pange turuki i te reo o tona kapiki anga, ki akera oki te are i te auai.

5 Kua tuatua akera oki au, E ae oki au nei! kua mate au e, e tangata vaa viivii oki au, e te noo nei au i rotopu i te tangata vaa viivii; kua akara oki oku mata nei i te ariki, ia Iehova Sabaota ra.

6 Kua rere maira tetai seraphi kiaku nei, e tei tona rima tetai ngarau ka, i raveia mai e ia i te piringoi mei runga maira i te atarau ra.

7 Kua akatukia maira ki taku vaa, na ko maira, I na, kua akatukia teia i to ngutu, kua akataka keia to kino, e kua akakoreia taau ara.

8 Kua akarongo atura au i te reo o te Atu, i te na ko anga e, Koai taku e tono? koai te ka aere no tatou? Kua karanga atura au, I na, teia au; ko au taau e tono.

9 Kua tuatua maira aia, Ka aere, ka karanga atu ki teianei aronga: E akarongo rai kotou, kare ra e kite; e akara rai oki kotou, kare ra e utoa.

10 E akamatorutoru i te ngakau o teianei aronga; e akateimaa i o ratou taringa, e e topiri i o ratou mata; ko te akara aea o ratou mata, e ko te rongo aea o ratou taringa, ko te kite aea o ratou ngakau, e ko te akaariuia mai, e ko te akaoraia aea oki ratou.

11 Kua karanga atura au e, Mei te aa te roa, e te Atu e? Kua tuatua maira aia, Kia pou rava te au oire e kare rava e tangata, e te au are e kia kore rava e tangata i roto, e kia tanea rava te enua ra;

12 Kia apai ke ravaia e Iehova te au tangata, ka maata oki te tanea i rotopu tikai i te enua.

13 Toe ua rai oki te ngauru o te tangata ra, ka pou akaou rai oki te reira i te mate: mei te ale ra, e te alona, tipu uaia ra ki raro, te toe ra tona tumu: e riro taua tumu ra e uanga tapu.