Iobu

38 KUA tuatua mairā Iehova kia Iobu na roto i te puaioio, na ko maira,

2 Koai teia e akapoiri i te ako, i te tuatua anake ra kare i kite ra?

3 Ka tatua ana i to taukupu e akatangata tikai; e ui ana oki au ia koe, e naau e akakite mai iaku.

4 Iea koe iaku i akatumu i te enua nei? ka akakite mai na, peneiake te kite na koe.

5 Naai i tuku i te au ariteanga? kua kite oki koe na! e naai i akatika i te taura na rungao?

6 I akamouia tona au tango ki runga i te aa? e naai i tuku i te toka kapueutara?

7 Ka imene katoatoaʼi te au etu popongi, e kua maeva ua te au tamariki a te Atua i te rekareka.

8 E naai i topiri i te moana ki te au pa, ka maringi mai ei, mei te mea no roto i te kopu ra?

9 Iaku i akariro i te tumurangi ei tapoki nona, e te poiri patapatatue ra ei vaî nona,

10 Iaku oki i rave i te ngai i akonoia e au nona, e kua tuku i te au tamou e te au pa,

11 Ka tuatuaʼi e, E tae mai koe ki ku nei, tira ua: ei ko nei to au ngaru nengonengo e akatumuiaʼi!

12 Tei toou ra au rā ainei te akaue angaia e koe te popongi; e kua akakite atu ainei koe ki te ata ao i tona ngai;

13 Kia opu aia i te au peau o te enua, kia ruru keia te aronga kino e kia taka ke atu?

14 Kua ruri keia mei te karakaraea ki te sigilo ra; e kua tu ua mai te apinga tini mei tei kakauia ra.

15 Kua tāpuia to ratou mārama i te aronga kino, e kua aatiia te rima teitei.

16 Kua taea ainei ia koe te au tumu o te moana? e kua na raro ainei koe i te aaere anga i te au ngai oonu?

17 Kua kiritiia ainei te au pa o te mate ia koe? e kua akara ainei koe i te au ngutupa o te maru-mate ra?

18 Kua kite ainei koe i te pararauare o te enua? te kite ra koe, e akakite mai, e ope rava ake.

19 Teiea te arataa ki te ngai i nooia e te mārama ra? e te poiri oki, teiea tona ngai,

20 Kia arataki koe i te reira ki tona kotinga, e kia kite koe i te arataa e tae ei ki tona ngutuare?

21 Kua kite ainei koe, no te mea kua anau ana koe i reira? e no te mea kua maata roa toou ra puke rā?

22 Kua tomo ainei koe ki roto i te au vairanga o te kiona? e kua akara ainei koe i te au vairanga o te ua toka,

23 Taku i tangakaputu no te tuatau tumatetenga, no te rā tamaki e te karonga tamaki ra?

24 Na teiea arataa i tua aereiaʼi te mārama, e matoa pu uaʼi te maoake ki runga i te enua nei?

25 Naai i vevete i to te vai puke ra aerenga, e te arataa no te uira mangungu;

26 Kia uaia to te enua tangata kore, i te medebara, kare o reira e tangata;

27 Ei akamauu i te enua vai a vare ua, e te tanea; e kia kao te rakau rikiriki tupu ou ra?

28 E metua ainei to te ua? e naai te au topata au nei i anau?

29 No roto i toai ra kopu te vai toka? e te au toka no te rangi, mai aia i anau?

30 Kua uunaia te vai ra mei te toka, e kua mou ketaketa ravaia te kiriātai.

31 E mou ainei ia koe te akapumaana o Matariki, e matara ainei te au tapeka o Oriona?

32 E tika ainei ia koe kia akaiti mai i te au etu o te ara o te rā i to ratou tuatau? e kia arataki mai ia Uresa e tana au tamariki?

33 Te kite ra ainei koe i te au ture o te rangi? e naau ainei i tuku i te rangi ia ratou i runga i te enua?

34 E tae ainei to reo ki runga roa i te au tumurangi ra, e ngaro iora koe i te vai maata i rungao ia koe?

35 E tika ainei ia koe i te akaunga i te uira? e aere mai ainei ratou, ka tuatua mai ei kia koe e, Teia matou?

36 Naai i tuku i te pakari i te ngai i roto roa? e naai i oronga i te kite ki te ngakau?

37 E ope iaai te au tumurangi kia tatu i tona pakari? e maringi iaai te au ue o te rangi ra,

38 Kia riro te one-pueu ei vari, e kia piriakita te au vavaanga one ra?

39 Naau ainei e arumaki i te kai na te liona? e pangia akera te kaki o te au liona ou,

40 Kia pipini ratou ki roto i to ratou au vaarua, kia noo ki roto i to ratou ngai e moetapapaʼi ra?

41 Naai i kimi i te kai na te orebi, kia aue tana ra au punua ki te Atua, kia uoa aere ua ratou no te mea kua ngere i te kai?