Koheleta

11 E TITIRI i taau kai ki runga i te vai; e manganui akera te rā i topa, rauka akaou atura ia koe.

2 E apai ua atu te tuanga ki nga tangata toko itu, e ki e toko varu ua atu; kare oki koe i kite i te kino te ka tupu ki runga i te enua nei.

3 Te ki ra te au tumurangi i te ua, e topa mai ïa ki runga i te enua nei: e kia inga te rakau ki te pae ki apatonga ra, e te pae ki apatokerau ra, ki taua ngai i topaia ra, ka vai rai taua rakau i reira ra.

4 Ko tei tiaki i te matangi ra, kare aia e ruru i te ua; e ko tei akara i te tumurangi ra, kare aia e kokoti.

5 Mei ia koe kare i kite i te aerenga o te vaerua ra, e te tupu anga o te ivi ki roto i te kopu nui ra; kare katoa koe i kite i ta te Atua ra angaanga, tana ravenga i te au mea katoa nei.

6 Ei te popongi ka ruru ei i taau ua, e ei te aiai auraka e tāpu ua i to rima: kare oki koe i kite i te ka tupu, me ko teia, me ko tera, peneiake ko te meitaki kapipiti katoa ra.

7 E mea meitaki tika rai te mārama, e mea mataora te mata kia akara i te rā ra:

8 Rai ua atura to te tangata nei au mataiti i te noo anga, e kia rekareka aia i taua au mataiti katoa ra; e akamaaraara aia i te au rā poiri, ka maata rai oki te reira; ko te riro oki tei toe ra ei mea puapinga kore anake ïa.

9 Ka rekareka, e tenana tangata ou, i toou na ou anga, e kia rekareka oki to ngakau i te au rā o toou na ou anga; e aere ua koe na te au arataa na toou uaorai ngakau, e aruaru oki i ta to mata e inangaro ra; e apaiia ra koe e te Atua ki te akavaanga i taua au mea katoa ra, kia kite mai oki koe.

10 E teianei e akataka ke atu i te mea e pekapekaʼi to ngakau, e akataka ke atu oki i te mea e kino ei to kopapa; te mapu anga ra oki e te pakari anga, e mea puapinga kore ïa.