Nehemia
7 E OTI akera te patu i te tukiia, e kua mou te au pa iaku, e kua akonoia te aronga tiaki ngutupa, e te aronga imene, e te au ngati Levi,
2 Kua tuku atura au i taku taeake ia Hanani, e ia Hanania i te tiaki ï te are o te ariki ra, i te akamaroiroi ia Ierusalema, e te tangata pikikaa kore oki aia, e te maata ra tona mataku i te Atua i te tangata e manganui.
3 Kua karanga atura au kia raua, Auraka kia eeu vaveia te au pa i Ierusalema nei, e kia veravera te rā; e te tu ua ra ratou i vaitata ka topiri ei i te au pa, ka momono ei i te tea: ka tuku ei i te au tiaki i to Ierusalema nei, ko te tangata ko tana tiaki anga, e te tangata katoa ei tona uaorai pae are tiaki ei.
4 Te maata ra oki taua oire e te pararauare, e iti ra te tangata i roto, e kare te au are i akatuia.
5 Kua tuku maira taku Atua i te manako ki roto i toku ngakau, e akaputuputu mai i te aronga mamaata, e te au tutara, e te au tangata, kia tatauia i to ratou anau-anga. E kua kitea iora e au tetai tuatua anau-anga no te aronga i aere mai i muatangana ra, e kua tataia oki ki roto.
6 Teia te au tamariki no taua enua ra, tei aere mai mei roto mai i te tuikaa, no te aronga i apai keia ra, ta Nebukaneza ta te ariki o Babulonia i apai ke, e kua aere akaou maira ki Ierusalema e Iudea, te tangata katoa ki tona oire;
7 Ko tei aere katoa mai ratou ko Zerubabela, ko Iesua, ko Nehemia, ko Azaria, ko Raamia, ko Nahamani, ko Moredekai, ko Bilisana, ko Mizepereta, ko Bigivai, ko Nehuma, ko Baana: Ko te tatau anga ïa o te tangata no Iseraela:
8 Te au tamariki a Parosa, e rua ïa tausani, okotai anere, e itu ngauru ma rua.
9 Te au tamariki a Sephatia, e toru ïa anere, e itu ngauru ma rua.
10 Te au tamariki a Ara, e ono ïa anere, e rima ngauru ma rua.
11 Te au tamariki a Pahata-moabi, no te au tamariki a Iesua e Ioaba, e rua ïa tausani, e varu anere, okotai ngauru ma varu.
12 Te au tamariki a Elama ra, okotai ïa tausani, e rua anere, e rima ngauru ma a.
13 Te au tamariki a Zatu ra, e varu ïa anere, e a ngauru ma rima.
14 Te au tamariki a Zakai ra, e itu ïa anere e ono ngauru.
15 Te au tamariki a Binui ra, e ono ïa anere, e a ngauru ma varu.
16 Te au tamariki a Bebai ra, e ono ïa anere, e rua ngauru ma varu.
17 Te au tamariki a Azagada ra, e rua ïa tausani, e toru anere, e rua ngauru ma rua.
18 Te au tamariki a Adonikama ra, e ono ïa anere, e ono ngauru ma itu.
19 Ta au tamariki a Bigivai ra, e rua ïa tausani, e ono ngauru ma itu.
20 Te au tamariki a Adina ra, e ono ïa anere, e rima ngauru ma rima.
21 Te au tamariki a Atera ra, ta Hezekia ra, e iva ngauru ma varu.
22 Te au tamariki a Hasuma ra, e toru ïa anere, e rua ngauru ma varu.
23 Te au tamariki a Bezai ra, e toru ïa anere, e rua ngauru ma a.
24 Te au tamariki a Haripha ra, okotai ïa anere, okotai ngauru ma rua.
25 Te au tamariki a Gibeona ra, e iva ngauru ma rima.
26 Te au tangata no Betelehema, e no Netopha ra, okotai ïa anere, e varu ngauru ma varu.
27 Te au tangata no Anatota ra, okotai ïa anere, e rua ngauru ma varu.
28 Te au tangata no Bete-azamaveta ra, e a ngauru ma rua.
29 Te au tangata no Kiriata-iearima, Kephira, e Beerota, e itu ïa anere, e a ngauru ma toru.
30 Te au tangata no Rama, e no Gaba, e ono ïa anere, e rua ngauru ma tai.
31 Te au tangata no Mikemasa, okotai ïa anere, e rua ngauru ma rua.
32 Te au tangata no Betela, e no Ai, okotai ïa anere, e rua ngauru ma toru.
33 Te au tangata no Nebo ke, e rima ngauru ma rua.
34 Te au tamariki a Elama ke, okotai ïa tausani, e rua anere, e rima ngauru ma a.
35 Te au tamariki a Harima, e toru ïa anere, e rua ngauru.
36 Te au tamariki no Ieriko ra, e toru ïa anere, e a ngauru ma rima.
37 Te au tamariki no Loda, no Hadida, e Ono ra, e itu ïa anere, e rua ngauru ma tai.
38 Te au tamariki a Senaa ra, e toru ïa tausani, e iva anere, e toru ngauru.
39 Te kau taunga ra: te au tamariki a Iedaia, no te ngutuare o Iesua ra, e iva ïa anere, e itu ngauru ma toru.
40 Te au tamariki a Imera ra, okotai ïa tausani, e rima ngauru ma rua.
41 Te au tamariki a Pasahura, okotai ïa tausani, e rua anere, e a ngauru ma itu.
42 Te au tamariki a Harima ra, okotai ïa tausani, okotai ngauru ma itu.
43 Te au ngati Levi ra: te au tamariki a Iesua ra, ta Kadimiela, no te au tamariki a Hodeva, e itu ïa ngauru ma a.
44 Te aronga imene ra: te au tamariki a Asapha ra, okotai ïa anere, e a ngauru ma varu.
45 Te aronga tiaki ngutupa: te au tamariki a Saluma, te au tamariki a Atera, te au tamariki a Talamona, te au tamariki a Akuba, te au tamariki a Hatita, te au tamariki a Sobai, okotai ïa anere, e toru ngauru ma varu.
46 Te au Netini ra: te au tamariki a Ziha, te au tamariki a Hasupha, te au tamariki a Tabaota,
47 Te au tamariki a Kerosa, te au tamariki a Sia, te au tamariki a Padona,
48 Te au tamariki a Lebana, te au tamariki a Hagaba, te au tamariki a Salamai,
49 Te au tamariki a Hanana, te au tamariki a Gidela, te au tamariki a Gahara,
50 Te au tamariki a Reaia, te au tamariki a Rezina, te au tamariki a Nekoda,
51 Te au tamariki a Gazama, te au tamariki a Uza, te au tamariki a Phasea,
52 Te au tamariki a Besai, te au tamariki a Meunima, te au tamariki a Nephisesima,
53 Te au tamariki a Bakabuka, te au tamariki a Hakupha, te au tamariki a Harahura,
54 Te au tamariki a Bazalita, te au tamariki a Mehida, te au tamariki a Haresa,
55 Te au tamariki a Barekosa, te au tamariki a Sisera, te au tamariki a Tama,
56 Te au tamariki a Nezia, te au tamariki a Hatipha.
57 Te au tamariki a te au tavini o Solomona: te au tamariki a Sotai, te au tamariki a Sophereta, te au tamariki a Perida,
58 Te au tamariki a Iaala, te au tamariki a Darakona te au tamariki a Gidela,
59 Te au tamariki a Sephatia, te au tamariki a Hatila, te au tamariki a Pokereta, e ta Zebaima, te au tamariki a Amona.
60 Taua au Netini katoa ra, e te au tamariki katoa a te au tavini o Solomona, e toru ïa anere, e iva ngauru ma rua.
61 Teia te aronga i aere mai mei Tele-mela mai, Tele-haresa, Keruba, Adona, e Imera: kare ra i tika ia ratou kia akakite mai i te are o to ratou metua tane, e to ratou anau-anga, i te kitea anga e no Iseraela ratou:
62 Te au tamariki a Delaia, te au tamariki a Tobia, te au tamariki a Nekoda, e ono ïa anere, e ngauru ma rua.
63 E ta te kau taunga ra: te au tamariki a Habaia, te au tamariki a Koza, te au tamariki a Barazilai, ko tei rave i te tamaine a Barazilai i Gileada ei vaine nana, e tapaia iora i to ratou ra ingoa.
64 Kua kimi iora taua aronga ra i ta ratou tuatua anau-anga i roto i te aronga i tatauia to ratou anau-anga, kare akerai i kitea: riro atura ratou mei te aronga viivii, e kua akataka keia i te taoonga taunga.
65 Kua karanga atura te tutara kia ratou, auraka ratou e kai i te au mea tapu roa ra, e kia tu maira teitai taunga ma te Urima e te Timima.
66 Te maata anga o taua uipaanga katoa ra, e a ia ngauru ma rua i te tausani, e toru anere, e ono ngauru;
67 Te taka ra te au tavini tane, e te au tavini vaine, e itu ïa tausani i te reira, e toru anere, e toru ngauru ma itu: e to roto ia ratou ra, e rua ïa anere, e a ngauru ma rima, i te tane imene e te vaine imene.
68 Ta ratou au oroenua ra, e itu ïa anere, e toru ngauru ma ono: ta ratou au mule, e rua ïa anere, e a ngauru ma rima:
69 Te au kamela, e a ïa anere, e toru ngauru ma rima: te au asini, e ono ïa tausani, e itu anere, e rua ngauru.
70 E kua oronga maira tetai pae ui mataiapo tutara ra i te apinga no taua angaanga ra. Kua oronga maira te tutara ki roto i te uipa anga ra, okotai tausani dareki auro, e rima ngauru i te kapu, e rima anere e toru ngauru i te kakau no te kau taunga.
71 E kua oronga maira oki tetai pae ui mataiapo tutara ki roto i te uipa anga apinga no taua angaanga ra, e rua ngauru tausani dareki auro, e rua tausani e rua anere mina ario.
72 E tei orongaia mai e te toenga o te au tangata ra, e rua ngauru ïa tausani dareki auro, e rua tausani mina ario, e ono ngauru ma itu i te kakau no te kau taunga.
73 Te noo ra te kau taunga, e te au ngati Levi, e te au tiaki ngutupa, e te aronga imene, e tetai pae tangata, e te au Netini, e Iseraela katoa oki, i to ratou au oire; kia tae ra ki te itu o te marama, tei roto i to ratou au oire, to tamariki a Iseraela.