Apokalupo

13 E TU iora au ki runga i te one taatai. E akara atura au i tetai puaka taae i te kake anga ki runga mei raro i te moana, e itu ona mimiti, raungauru oki tara, e raungauru korona i rungao i taua aronga tara nona ra, e e au ingoa akakino Atua anake tei rungao i tona au mimiti.

2 E taua puaka taae taku i kite ra mei te nemera te tu, e mei to te daba tona vaevae, e tona vaa, mei te vaa ïa o te liona: e kua oronga maira te taae i tona uaorai maroiroi, e tona uaorai terono, e te mana maata nona.

3 Kite atura au i tetai mimiti nona i te paruparu anga mei te mea e paruparu mate; akaoraia akera taua paruparu mate nona ra: va ua iora to te ao katoa, e kua aru atura i taua puaka taae ra.

4 E kua akamori ratou i te taae ra, koia i oronga i te mana no te puaka taae ra: e kua akamori ratou i te puaka taae ra, i te na ko anga e, Koai tei tau i te puaka taae nei? e tika iaai kia tamaki mai iaia ra?

5 E e vaa tei orongaia mai i taua puaka taae ra i te tuatua anga i te tuatua akatietie e te akakino Atua; e e mana tei o maiia nona kia a ake ngauru i te marama e rua ara.

6 Kua tuatua iora tona vaa i te akakino i te Atua, te akakino oki i tona ingoa, e tona puakapa, e te aronga i noo ki runga i te rangi.

7 E i tukuia atu iaia te tamaki mai i te aronga tapu, e kia pou ratou iaia: e e mana tei orongaia mai nona i te au kopu katoa, e te au reo, e i te pa enua.

8 E i akamori to te ao katoa nei iaia, ko tei kore i tataia to ratou ingoa i roto i te buka ora a te Punua-mamoe i taiaia ra mei muatangana mairai o teianei ao.

9 E taringa tona ra, ka akarongo aia.

10 Ko te arataki tuikaa ia ratou ra, e arataki tuikaa katoaia aia: ko te ta ia ratou i te koke ra, kia taea katoaia aia i te koke e tikaʼi. Ko te akakoromaki teia, e ko te akarongo teia, o te aronga tapu.

11 E kite atura au i tetai puaka taae i te aere anga mai mei raro mai i te enua nei; e rua ona tara mei te mea e e punua-mamoe ra, mei to te taae ra tona reo.

12 E tei iaia katoa te mana o tei muatangana puaka taae kia rave aia ki mua i tona aroaro, e nona to te ao katoa nei, e te aronga i noo i te enua nei, i akamori ei i te puaka taae mua ra, ko tei akaoraia tona paruparu mate ra.

13 E e au akairo maata tana e rave, e e topa mai te ai no runga i te rangi ki raro i te enua nei iaia ki mua i te aroaro o te tangata nei,

14 E te tapikipiki nei aia i to te ao nei i te au akairo i orongaia mai nana e rave ki mua i te aroaro o te puaka taae ra; i te tuatua anga ki te aronga e noo ki te ao nei, e anga i te tutu o te puaka taae e tikaʼi, ko tei tu i te koke, e ora akera.

15 E e tika oki iaia kia oronga i te aʼo no taua tu o te puaka taae ra, e kia tuatua ua mai oki taua tutu o te puaka taae ra, e kia mate oki iaia te aronga katoa e kore e akamori i taua tu o te puaka taae ra.

16 E e māro aia kia akairo atu i te tangata ravarai, te aronga mamaata, e te tangata rikiriki, te aronga apinga, e te aronga apinga kore, te rangatira, e te tuikaa, ki roto i to ratou rima katau, e kare ïa, ei runga i to ratou rae.

17 E auraka rava tetai tangata e oko atu i te apinga e kia oko mai oki mari ra ko te tangata tei iaia taua akairo ra, e te ingoa o te puaka taae ra, e te numero o taua ingoa nona ra.

18 Tei ko nei te pakari. E kite tona ra ka tatau aia i te numero i taua puaka taae nei: tei te tangata te ariteanga o teianei numero; teia oki tona numero, e ono anere e ono ngauru e ono ara.