Iona

2 E KUA pure aturā Iona ki tona ra Atua kia Iehova, i roto i te kopu o te ika ra, e kua na ko atura,

2 I kapiki atura au i toku tumatetenga kia Iehova, e kua akarongo mai aia iaku; i roto i te kopu o ade toku kapiki anga atu, e kua akarongo mai koe i toku reo.

3 Kua titiri koe iaku ki raro i te moana, i rotopu i te tai ra; kua akapiniia au e te moana; kua na runga mai iaku te tuātea e te au ngaru katoa naau ra.

4 Kua tuatua iora au, Kua titiri keia au i mua i to aroaro na, e akara akaou ra au ki to nao tapu ra.

5 Kua akapiniia au e te tai, me mate au; kua pini rava au i te moana; kua pokaikaiia taku mimiti e te ngangaere moana.

6 Eke rava atura au ki raro i te tumu o te au maunga; ko te enua ma tona au tea tei tapiri tamou ïa iaku: kua akaoki maira ra koe i toku ora, mei te mate mai, e taku Atua, e Iehova.

7 Ka ngaevaevaʼi toku vaerua i roto iaku ra, kua maara iora au ia Iehova, e kua tae taku pure ki roto kia koe, ki roto i to nao tapu ra.

8 Te aronga i akono i te au mea puapinga kore pikikaa ra, kua akaruke ratou i Tei takinga-meitaki mai ia ratou.

9 Kareka au nei, e apai au i te atinga naau ma te reo akameitaki; taku oki i tia ra, ko taku ïa e apai. Tei ia Iehova te ora.

10 Kua akaue aturā Iehova i taua ika ra, e kua akapuaki atura aia ia Iona ki runga i te one marō.