Zekaria

2 KUA nānā atura au i taku mata, e kua akara, e i na, e tangata ma te taura aite i tona rima.

2 Kua karanga atura au, E aere koe kiea? e kua tuatua maira aia kiaku, Te aere nei au e akaaite ia Ierusalema, kia kitea tona pararauare e tona roa.

3 E i na, aere atura te angela i tuatua mai iaku ra, e kua aere iora tetai angela kia aravei atu iaia.

4 E kua karanga atura kiaia, Ka oro, ka karanga atu ki tera ra tangata ou na, e na ko atu, E nooia Ierusalema e tae ua atu ki te ngai atea ua, i te rai o te tangata e te puaka i roto iaia ra.

5 Te tuatua maira oki a Iehova, E riro au ei koro ai nona e pini ua ake, e ko au oki te kakā i rotopu iaia ra.

6 E! e! ka rere mai ana i tenana enua i apatokerau, te tuatua mairā Iehova, no te mea, kua rurungaoro oki au ia kotou i nga matangi e a o te rangi ra, te tuatua maiā Iehova.

7 E akaoraia koe uaorai, e Ziona e, e tei noo ki o te tamaine a Babulonia,

8 Te na ko maira oki a Iehova Sabaota ra, Kua na mua i te akakite i te kakā no kotou i tono ei aia iaku ki te pa enua i pou ei kotou ra: ko tei akatukia atu oki ia kotou ra, kua akatukia ïa i tona koringo mata nei.

9 I na oki e ruru au i toku rima ki runga ia ratou, e e riro ratou ei apinga noni na to ratou uaorai au tavini: e kite oki kotou e, na Iehova Sabaota ra au i tono mai.

10 Ka imene, e kia rekareka, e te tamaine a Ziona: i na oki, e aere atu au, e ei rotopu ia koe ra au e noo atu ei, te tuatua mairā Iehova.

11 E e manganui te enua te ka topiriia kia Iehova i taua rā ra, e riro oki ei tangata noku: e e noo au i rotopu ia koe, e kite oki koe e, na Iehova Sabaota ra au i tona mai kia koe ra.

12 E noo oki a Iehova i Iuda, ko tana ïa tuanga i te enua tapu ra, e mareka akaou rai aia i Ierusalema.

13 Kia muteki ua te au tangata katoa ki mua ia Iehova, kua tu oki aia ki runga i tona ra nooanga tapu ra.