1 Timoteo

1 PAULO, e aposetolo na Iesu Mesia, i te akaue a te Atua to tatou ora, e te Atu ko Iesu Mesia, to tatou irinakianga;

2 Kia Timoteo, taku tamaiti tikai i te akarongo: Ei ia koe te aroa ua, te takinga-meitaki, e te au, no ko mai i te Atua i to tatou Metua ra, e no te Mesia ra no Iesu to tatou Atu nei.

3 I porokiroki marie atura au ia koe, iaku i aere i Makedonia ra, e noo rai koe i Ephesia ra, kia ako atu koe i tetai pae, auraka ratou e apii i te tuatua ke.

4 Auraka e akono i te tuatua taeke ua, e te tui tangata openga kore, e tupu ei te māro ra, kare te maroiroi a te Atua i te akarongo ra. 5 E te openga o te akauenga nei, ko te aroa ïa no roto i te ngakau mā, e te akava-ngakau meitaki, e te akarongo pikikaa kore;

6 Ko tei kore i akonoia e tetai papaki ra, e kua tatipake akenei i te tuatua neneva ra;

7 I inangaro e ei apii ture ratou; kare ra i kite i ta ratou uaorai i tuatua ra, e te au mea e māroia e ratou ra.

8 Kua kite ra tatou e, e mea meitaki te ture, kia tau ta te tangata ravenga i taua ture ra;

9 Kua kite oki e, kare te ture i akonoia no te tangata tuatua-tika, no te akaapa ture ra e te akongata, no te akono kore i te Atua, e te rave ara, no te viivii e te akono kore, no te ta metua tane, e te ta metua vaine, e te ta tangata oki,

10 E te akaturi, no te sodoma, no te keia tangata, no te pikikaa, no te taputou pikikaa ra, e te au mea katoa kare e tau i te tuatua ora nei;

11 I te evangelia kakā o te Atua kakā i tukuia mai iaku nei.

12 E te akameitaki nei au i to tatou Atu i te Mesia ra ia Iesu, i te akamaroiroi mai iaku nei, koia i tuatua iaku i te pikikaa kore, e kua akataoonga orometua mai iaku nei;

13 I tei akakino oki i muatangana, e te takinga-kino, e te rave kino atu. I aroaia maira au, no te mea kua pera kite kore ua au no te akarongo kore,

14 I maata roa ra te aroa ua o to tatou Atu ma te akarongo e te anoano i te Mesia ra ia Iesu.

15 E tuatua-mou teia, e te tau oki kia ārikiia e te tangata ravarai, e i aere mai te Mesia ra ko Iesu i te ao nei, e akaora i te aronga ara: ko au oki to ratou i maata.

16 Teia ra te mea i aroaia mai ei au, kia kitea te akakoromaki maata rava o Iesu Mesia iaku, i tei maata i te ara nei, ei akaraanga na te aronga e akarongo iaia a muri atu, e rauka atu te ora mutu kore.

17 E teianei, ei te Ariki au mutu kore, te mate kore, e te kitea kore kia akara ra, ei te Atua pakari okotai kore, e te kitea kore ia akara ra, ei te Atua pakari okotai kare atu, ei iaia te teitei, e te kakā, e tuatatau ua atu. Amene.

18 Te tuku atu nei au i teianei poroki ia koe, e taku tamaiti, e Timoteo, e mei tei te au tuatua i akakite ateaia mai ia koe i muatangana ra, kia ta koe i te tamaki meitaki i taua tuatua ra; 19 I te tamou marie anga i te akarongo, e te akava-ngakau meitaki; i tei kopaeia e tetai papaki, e kua akangaa pai oki i te akarongo.

20 No ratou Humenaio ra raua ko Alekanedero; ko tei tukuia ïa e au kia Satani, kia kite raua e, auraka e akakino.