Apokalupo

14 AKARA atura au, e i na, te tu ua ra te Punua-mamoe ki runga i te maunga ra i Siona, ma te tangata katoa i vaitata iaia okotai anere e a ngauru ma a i te tausani, ma tona ingoa e te ingoa o tona Metua i te tata angaia ki rungao i to ratou rae.

2 Akarongo atura au i tetai reo no te rangi mai, mei te aruru o te tai maata ra, e mei te kokina o te mangungu maata ra; e akarongo atura au i te reo o te akatangi kitara i te akatangi anga i ta ratou au kitara.

3 Kua imene iora ratou mei te imene ou ra te tu ki mua i te terono, e ki mua i nga mea ora e a ra, e te aronga taito ra: e kare rava e tangata e kite i taua imene ra kia apii, mari ra ko taua aronga ra okotai anere e a ngauru e a ara i te tausani, i okoia no roto i teianei ao.

4 Ko te aronga teia kare i viivii i te vaine ra; e paretenia oki ratou. Ko te aronga teia i aru i te Punua-mamoe i tona au aerenga ravarai. I okoia ïa aronga no roto i te tangata nei, ei popo mua na te Atua e na te Punua-mamoe ra.

5 Kare rava e pikikaa i kitea i roto i to ratou vaa: kare oki a ratou e apa ki mua i te terono o te Atua ra.

6 Akara atura au i tetai angela i te rere anga na rotopu i te mareva nei, ma te evangelia mutu kore, e tutu ki te aronga e noo i te ao nei, ki te pa enua katoa, e te au kopu, e te au reo, e te au iti-tangata,

7 I te na ko anga ma te reo maata, Ka mataku i te Atua, e akakakā iaia; kua tae oki ki te ora akautunga anga nana; e akamori kotou iaia i tei anga i te rangi, e te enua, e te tai, e te au vai pupui ra.

8 Kua aru maira tetai angela i muringao, i te na ko anga e, Kua inga, kua inga taua oire maata ra, ko Babulonia, no te mea kua akainu aia i te pa enua ravarai i te wina ra i te riri o tana akaturi.

9 Kua aru maira te tokotoru o te angela ia raua, ma te kapiki ua atu te reo maata, Ko te akamori i te puaka taae e tona tutu, e te āriki i te akairo ki tona rae, e kare ïa, ki te rima,

10 Ka inu aia i te wina o te riri o te Atua ra, ko tei riringiia ma te iro kore ki roto i te kapu riri nana; e e akamamaeia aia i te ai e te teio ki mua i te aroaro o te au angela tapu ra, e ki mua oki i te aroaro o te Punua-mamoe ra.

11 E te auai i mamae ei ratou ra, e tika ïa i te peke anga ki runga e tuatau ua atu: e kare rava o ratou akaeaanga i te po e te ao, to tei akamori i te puaka taae e tona tutu, e te āriki i te akairo ra o tona ingoa.

12 Teia te akakoromaki o te aronga tapu, ko tei tāpu i te au akauenga a te Atua, e te akarongo ia Iesu.

13 E akarongo atura au i tetai reo no runga i te rangi, i te na ko anga mai iaku e, Ka tata na, E ao to te aronga e mate, ei roto i te Atu ratou ka mate ei, i teianei e a muri ua atu: koia ïa, te tuatua maira te Vaerua, kia akaea ratou i te rave i ta ratou angaanga, e e aru oki ta ratou angaanga ia ratou.

14 Kua akara atura au, e i na, e tiao teatea, e te noo ra tetai ki runga i taua tiao ra mei te Tamaiti a te tangata te tu, ma te korona auro ki runga i tona upoko, e ma te matipi sitona kokoi i te rima.

15 Kua aere maira oki tetai angela mei roto mai i te nao ra, ma te kapiki ua anga atu te reo i tei noo ki runga i te tiao ra, Ka vero ana i te matapi sitona naau, e ka kokoti; kua tae oki ki te tuatau kokoti anga naau ra, kua mou pakari rava oki te enua nei.

16 Kua vero maira tei noo ki runga i te tiao ra i tana matipi sitona ra; pou iora te enua nei i te kokotiia.

17 Kua aere maira tetai angela mei roto mai i te nao i runga i te rangi, e matipi sitona kokoi katoa tana.

18 Kua aere mairai tetai angela ke mei te atarau mairai, e mana tona i te ai nei; kua kapiki ua atura aia i tei mou i te matipi sitona kokoi ra, na ko atura, Ka vero ana i te matipi sitona kokoi naau na, ka kokoti i te au kaui vine o te ao nei; kua para rava oki te vine.

19 Kua vero maira te angela i tana matipi sitona ki roto i to te enua nei, kokoti iora i te vine o te ao nei, e kua uri atura ki roto i te taomianga maata vine ra, ko te riri o te Atua ra.

20 Takatakaiia iora te taomianga vine ki vao mai i te oire ra, kua tae maira te toto no roto mai i taua taomianga vine ra, e taea rava akera i te tavaa o te au oroenua ra, e okotai tausani e ono anere setadia.