Maseli

27 AURAKA koe e akatietie i to apopo; kare oki koe i kite i te ka tupu i te rā okotai nei rai.

2 Na tetai ke koe e akapaapaa, auraka toou uaorai vaa; ei tangata ke, auraka na toou uaorai vaa;

3 Teimaa to te toka, teimaa katoa to te one; teimaa maata ra to te riri o te neneva i aua nga mea katoa e rua ra.

4 Takinga-kino to te makitakita, e te riri ra, mei te ua kava ïa; koai ra te tangata e mou i mua i te vareae?

5 E ngari ake te kauvae akakite ateaia mai, i te inangaro kia uuna ïa.

6 E mea meitaki te putaputa no te taunga; ko te ongiongi o te enemi ra, e mea pikikaa ïa.

7 Tei pangia te kaki ra, e toanu ïa i te melikerio; ko tei pongi ra, kava uaorai e vene ïa iaia.

8 Mei te manu kia akaruke i tona koanga, koia katoa te tangata kia akaruke i tona ngai.

9 E rekareka te ngakau i te manongi e te takakara; e pera rai te tuatua maru a te tangata nei ki tona ra oa.

10 Auraka e akaruke i to oa, e te oa o to metua tane; kia kore koe e tae ki te are o to tuakana i te rā e eke ei ra; e ngari ake oki to te tangata tupu kia vaitata mai, i te tuakana i te atea ke ra.

11 E taku tamaiti, kia pakari koe, kia rekareka toku ngakau, kia tika iaku kia patoi atu i tei akakino mai iaku nei.

12 E akara mamao ua te tangata karape i te kino, e kua pipini iora: te aere ua atura te kite kore, e mate atura.

13 Ka rave i te kakau o tei riro ei tutaki i tetai, e tana ra apinga no tei kai ou vaine ke ra.

14 Ko tei akamaata i te reo, i te tu vave anga i te popongi metua i te akameitakianga i tona taunga, e akamanokoia ïa ei tao nona.

15 E are kare e akapaki i te tuturu i te rā uriia ra, e te vaine kavauvau ra, okotai rai ïa.

16 Ko tei uuna iaia kua uuna i te matangi, e te manongi o tona rima katau, ko tei akakite iaia uaorai.

17 Na te auri i akakina i te auri; e na te tangata e akakina i te mata o tona taunga.

18 Ko tei tiaki i te suke ra, e kai ïa i te ua no rungao; e ko tei tiaki i tona pu, e akangateiteiia ïa.

19 Mei te mata e tau i te mata i raro i te vai ra, koia katoa te ngakau tangata i te tau anga ki to tetai.

20 Ko ade e te mate kare rava e iu anga; koia katoa te mata tangata, kare katoa ïa e iu.

21 Mei te pani e timata i te ario, e te umu i te auro; kua timata katoaia te tangata i te vaa e akapaapaa mai iaia ra.

22 Reru ua koe i te neneva ki te auri, e te sitona katoa ki roto i te āriki ra, kare e taka ke te tuatua neneva iaia.

23 Ka akara meitaki ana kia kite koe i te tu i to anana mamoe, e akono meitaki oki i taau au puakatoro:

24 Kare oki te apinga maata e vaoo ngata mai; e te korona, ka riro ainei ki te au uki katoa?

25 Te kao ra te ngangaere, e te kitea maira te rakau tupu ou, e kua akaputuputuia te rakau rikiriki o te maunga.

26 Te au punua mamoe ra, ei kakau ïa noou ra; e te puakanio toa ra, ei oko ïa i te kainga noou.

27 E rava te u o te puakanio ua ei kai naau, ei kai oki na to ngutuare katoa ra, e ei kai oki na to au tavini vaine katoa ra.