Ieremia

1 TE TUATUA a Ieremia, te tamaiti a Hilikia, tetai o te kau taunga i Anatota, i te enua o Beniamina ra:

2 I tae mai te tuatua a Iehova kiaia i te au rā o Iosia, te tamaiti a Amona, ariki no Iuda, i te mataiti okotai ngauru ma toru o tona au.

3 I tae mai oki i te au rā o Iehoiakima, te tamaiti a Iosia, ariki no Iuda, e ope ua atu te mataiti okotai ngauru ma tai i te au o Zedekia, te tamaiti a Iosia, ariki no Iuda, e tae roa akera i te apai tuikaa anga ia Ierusalema i te marama e rima ra.

4 I reira te tuatua a Iehova i te tae anga mai kiaku nei, i te na ko anga mai,

5 Kare koe i angaia e au i roto i te kopu, i kite ei au ia koe; e kare koe i topa ki vao i te kopu ra, i akatakaiaʼi koe e au; kua akonoia koe e au, ei peroveta no te pa enua.

6 Kua karanga atura au, Aue! e taku Atu e Iehova e! i na, kare au i kite i te tuatua: e tamaiti ua oki au nei.

7 Kua tuatua mairā Iehova kiaku, Aua koe e karanga e, E tamaiti ua au: e aere ra koe ia ratou katoa e tonokia koe e au ra; e ko te au mea katoa taku e akaue kia koe ra, ko taau ïa e tuatua.

8 Auraka e mataku i to ratou mata: ei vaitata katoao au ia koe ei akaora, ia koe, te tuatua mairā Iehova.

9 Kua akatika mairā Iehova i tona rima, e kua akatukia maira i toku vaa: e kua tuatua mairā Iehova kiaku, I na, kua tuku atu au i taku tuatua ki roto i to vaa.

10 Ka akara na, kua tuku atu au ia koe i teianei rā ki rungao i te pa enua, e te au basileia ra, kia kiriti tumu, e kia vavaʼi ki raro, e kia pou, e kia uri ki raro, kia akatu, e kia tanu.

11 Kua tae maira oki te tuatua a Iehova kiaku nei, i te na ko anga mai: Eaa taau e akara ra, e Ieremia? E kua karanga atura au, E rara sekadi taku e akara nei.

12 E kua tuatua mairā Iehova kiaku, Kua tika taau i akara ra: e akarapurapu oki au i te akatupu i taku nei tuatua.

13 Kua tae maira oki te tuatua a Iehova kiaku nei, ko te tu rua ïa, i te na ko anga mai, Eaa taau e akara ra? e kua karanga atura au, Te akara nei au i tetai pani, te pupu ua maira; mei apatokerau mai.

14 Kua tuatua mairā Iehova kiaku, Mei apatokerau mairai e pupu mai ei te kino ki runga i to te enua katoa na.

15 I na oki, e kapiki atu au ki te au kopu-tangata katoa o te au basileia i apatokerau, te tuatua mairā Iehova; ka aere mai ratou, ka akatu ei i to ratou terono, tonao, tonao, i te tomoanga o te au ngutupa i Ierusalema ra, e ki rungao i to reira au patu e pini ua ake, e ki rungao i te au oire ravarai o Iuda.

16 E e akakite atu au i taku utunga ia ratou, no ta ratou au tuatua kino katoa ra; ko tei akaruke iaku, e kua taʼu i te au rakau kakara ki te au atua ke, e kua akamori oki ratou i te angaanga a to ratou uaorai rima.

17 E tenana, ka tatua ana koe i toou taukupu, ka tu, ka karanga atu kia ratou i te au mea katoa taku e akaue atu kia koe na: e auraka koe e mataku i to ratou mata, ko te akamatakuia aea koe e au ki mua ia ratou.

18 E i na kua akariroia koe e au i teianei rā mei te oire i akaketaketaia, e mei te pou auri, e mei te patu veo i te enua katoa nei; i te au ariki o Iuda, tona ui mataiapo, tona ra kau taunga, e te au tangata o te enua ra;

19 E tamaki mai oki ratou ia koe, e kare ra koe e rauka ia ratou; tei ia koe au, ei akaora ia koe, te tuatua mairā Iehova.