Isaia

4 E KIA tae ki taua rā ra, ka opu mai ei nga vaine toko itu i te tane okotai, ka na ko mai ei, E kai matou i ta matou uaorai kai, e e kakau matou i to matou uaorai kakau; ko to ingoa ua ra te tapa mai ki runga ia matou nei; e apai ke atu i te akakino ia matou.

2 E i taua rā ra e riro ei te Atava o Iehova ra, ei manea e te kakā; e tei tupu i runga i te enua ra, ei mea akaieie, e ei meitaki, i to Iseraela i ora maira.

3 E riro oki tei toe i Ziona ra, e tei noo i Ierusalema ra, i te tuatuaia e e tapu: te aronga ravarai i tataia i roto i te aronga ora i Ierusalema ra.

4 Kia ope i te oreiia e te Atu te viivii o te au tamaine a Ziona ra; e kia apai keia te toto o Ierusalema i rotopu iaia ra, i te vaerua tuatua-tau, e te vaerua ai ra;

5 Ei reirā Iehova e anga ai ki runga i te au ngai ravarai i te maunga ra i Ziona, e ki runga katoa i te au uipa anga nona ra, i te tumurangi i te ao ra, e te auai; e te kakā o te ai mura i te po: e e riro te reira ei tapoki ki runga i taua kakā katoa ra.

6 E riro oki tetai puakapa ei tamaru anga i te ao i te vera; e ei oroanga, e ei akapuanga, i te uriia e te ua ra.