Ezekiela

39 E TEIANEI, ko ke, e te tamaiti a te tangata na, e totou ia Goga, e karanga atu, Te na ko maira te Atu ra ko Iehova; I na, kare au e tau ia koe, e Goga, e te ariki o Rosa, Meseka, e Tubala:

2 E naku koe e akaariu ke, e naku koe e arataki ke, e naku koe e taki mai ki runga mei te pae i apatokerau mai, e e apai au ia koe ki runga i te au maunga i Iseraela nei:

3 E ta oki au i to ana i to rima kaui e topa atu, e naku e akatopa i to au kakao i to rima katau ra.

4 Ka inga koe ki runga i te au maunga i Iseraela nei, ko koe, e toou au motuanga ravarai, e te au tangata i oou ra; e e oronga atu au ia koe na te au manu taae o te au peau ravarai nei, e na te au puaka taae o te enua, kia pou.

5 E inga koe ki runga i te enua ra, naku oki i karanga, te tuatua maira te Atu ra ko Iehova.

6 E akaunga atu au i te ai ki runga ia Magoga, e i roto i te aronga e noo vareaau ua ra i te pae taatai ra: ka kite oki ratou e ko Iehova au.

7 E akakite oki au i taku ingoa tapu ki rotopu i toku au tangata ra ia Iseraela; kare oki e tika iaku kia akaviivii akaouia toku ingoa tapu: ka kite oki te au etene e ko Iehova au, ko Tei Tapu i Iseraela nei.

8 I na kua tae, e kua raveia, te tuatua maira te Atu ra ko Iehova; ko taua rā teia taku i karanga ra.

9 E na te aronga i noo i te au oire i Iseraela e aere ki vao e ka tutungi i tei reira te au taoonga tamaki ra ki te ai kia ka, i te paruru, e te tapoki, e te au ana, e te au kakao, e te au tokotoko, e te au korare, e na ratou e tutungi ki te ai e kia itu ua atu te mataiti:

10 Kare oki ratou e rave i te vaie no te ngangaere ra, kare oki e tipu i to te vaorakau ra; e tutungi oki ratou i te au taoonga tamaki ra ki te ai: e na ratou e āru atu i tei āru mai ia ratou, e ka noni atu oki i tei noni mai ia ratou, te tuatua maira te Atu ra ko Iehova.

11 E kia tae ki taua rā ra, e oronga atu ei au i tetai ngai i reira no Goga ei tanumanga i Iseraela nei, i te o i aereia e te tangata i te pae tai i te itinga o te rā ra: e ka topiri te putangiu o te aronga e aere ra; ei reira ratou e tanu ei ia Goga, e tona tini ravarai: e na ratou e tapa i te reira, I te o o te Urupu o Goga.

12 E itu oki o te ngutuare o Iseraela marama i te tanu anga ia ratou, kia tamā ratou i taua enua ra.

13 Na te tangata ravarai oki o te enua e tanu; e riro oki ei rongonui no ratou i te rā i akakakāiaʼi au ra, te tuatua maira te Atu ra ko Iehova.

14 E na ratou e akataka i tetai aronga tangata kare e tukumoe i te aere na roto i taua enua ra, kia tanu, ma te aronga e aere, i te aronga i toe i runga i te enua ra, ei tamā anga atu: kia ope nga marama e itu ka kimi ei ratou.

15 E na te au tangata aere, tei aere na roto i taua enua ra, kia akara tetai i te ivi tangata ra, e akatu aia i tetai akairo i vaitatao, e kia tanumia e te aronga tanu i te o ra o te Urupu o Goga.

16 E tapaia oki te ingoa o te oire ko Urupu, E pera ratou i te tamā anga atu i te enua.

17 E ko koe oki, e te tamaiti a te tangata na, te na ko maira te Atu ra ko Iehova; E karanga atu koe ki te au manu peau ravarai, e te au puaka taae katoa o te enua ra, E akaputuputu mai kotou, e aere mai; e akaputuputu kotou e pini ua ake ki taku nei atinga i orongaia e au na kotou, e atinga maata, ki runga i te au maunga i Iseraela nei, kia kai kotou i te kiko, e kia inu kotou i te toto.

18 Ka kai kotou i te kiko o te aronga mana, ka inu oki i te toto o te ui ariki o te enua nei, to te au mamoe toa, te au punua mamoe, te au puaka-nio toa, ma te au puakatoro ra, e mea angai anakeia no Basana.

19 E kai oki kotou i te matu e pangia rava akera, e inu oki kotou i te toto e kona rava akera, i taku nei atinga tei apaiia e au na kotou.

20 E pangia oki kotou ki taku nei kaingakai, i te oroenua e tei noo i rungao, i te aronga mana, e te au tangata tamaki katoa, te tuatua maira te Atu ra ko Iehova.

21 E naku e tuku i te kakā noku ki rotopu i te au etene ra, ka kite oki te au etene katoa i taku nei tuatua-tau i raveia e au ra, e taku rima i tukuia e au ki runga ia ratou.

22 Ka kite oki te ngutuare o Iseraela e, ko au to ratou Atua ko Iehova mei te reira rā ua atu rai.

23 Ka kite oki te au etene e, no to ratou kino e riro ei te ngutuare o Iseraela ei tuikaa: no te mea kua tatipake ratou iaku i puroku ei au i toku mata ia ratou, e kua tuku atu au ia ratou ki roto i te rima o to ratou au enemi, e inga katoatoa akera ratou i te koke.

24 Kua akaaite oki au i taku i rave ia ratou ki to ratou viivii e ta ratou au ara, e kua puroku au i toku mata ia ratou.

25 E teianei, te na ko maira te Atu ra ko Iehova; Ei teianei au e akaoki mai ei i te tuikaa anga o Iakoba, e aroa oki au i te ngutuare ravarai o Iseraela, ka vareae oki au no toku ingoa tapu;

26 Kua akakoromaki oki ratou i to ratou akakino angaia, e te ratou au ara katoa i ara ai ratou iaku nei, ka noo punuiaau uaʼi ratou ki to ratou ra enua, e kare e tangata i akamataku mai.

27 Kia akaokiia mai ratou e au no roto i te au tangata ra, e kia akaputuputuia mai ratou e au mei te au enua mai o to ratou au enemi, e kia akatapuia mai au ia ratou ki mua i te aroaro o te au enua e manganui ra;

28 Ei reira ratou e kite ei e, ko to ratou Atua ra au ko Iehova, ko tei tuku atu ia ratou kia arataki tuikaaia ki rotopu i te au etene ra: kua akaputuputu maira au ia ratou ki to ratou uaorai enua, e kare oki tetai o ratou e vaio akaouia i reira.

29 Kare oki au e puroku akaou i toku mata ia ratou, i riringiia oki e au toku vaerua ki runga i te ngutuare o Iseraela; te tuatua maira te Atu ra ko Iehova.