Ieremia

45 TE TUATUA ta te peroveta ra ta Ieremia i karanga atu kia Baruka, te tamaiti a Neria, kia oti ake teianei tuatua i te tataia e ia ki roto i tetai buka i te vaa o Ieremia, i te a o te mataiti o Iehoiakima, te tamaiti a Iosia, ariki no Iuda, na ko maira,

2 Te na ko maira te Atua o Iseraela ko Iehova ia koe, e Baruka;

3 I tuatua ana oki koe e, E ae oki au nei e! kua kapiti katoa mai a Iehova i te mii ki toku mamae nei; kua roiroi au i toku ngengeti ua anga, e kare oku e akaeaanga i kitea.

4 E na ko atu koe kiaia, Te na ko mairā Iehova; I na, ko taku i patu ra, ko taku ïa e vavaʼi ki raro, e ko taku i tanu ra, ko taku ïa e kiriti, koia te enua katoa nei.

5 Te kimi ra ainei koe i te meitaki maata noou uaorai? Auraka e kimiia: i na oki, te apai mai nei au i te kino ki runga i te tangata katoa ra, te tuatua mairā Iehova: e oronga atura au i te ora noou ei apinga, i te au ngai katoa taau e aere na.