Tauiui i te Tangi Anga o Toou Reo

Maseli 8:4, 7

MANAKO MAATA: Tauiui i te tangi anga, te teitei e te akaaka o toou reo, te viviki o taau tuatua, ei tauturu i te tangata kia mārama i te aerenga manako.

PEEA ME RAVE TE REIRA:

• Tauiui i te tangi anga o toou reo. Tuatua maata i te au manako puapinga kia akakeu i te tangata kia aru i te apiianga. Kia pera katoa koe me tatau i te au irava no runga ia Iehova e akava ra i te tangata. Akamaru i toou reo kia akaari i te tu mataku me kore te tu taitaia.

• Tauiui i te teitei e te akaaka o toou reo. Me ka tau, e akateitei i toou reo ei akaari i te tu oraora me kore ei akataka i te mamaata e te mamao o tetai apinga. Akamaru i toou reo kia akaari i te tu tangi e te taitaia.

• Tauiui i te viviki o taau tuatua. Tuatua viviki kia akaari i te tu mataora. Tuatua marie me taiku i te au manako puapinga.