“Toku Atoro Anga i te Are Uipaanga Patireia”

Kua patiia a Laura,a tetai tauira kaoreti, kia aere ki tetai uipaanga akonoanga e kia tata i tetai ripoti no runga i tana au kite anga. Kua iki aia i te Au Kite o Iehova, e kua kapiki aia i tana tua “Toku Atoro Anga i te Are Uipaanga Patireia.” Eaa te tuke anga ta Laura i kite no runga i te Au Kite? I roto i te au mea e manganui tana i kite ko te mea ka aru mai.

Te tamariki: “Pouroa te au tamariki tei roto i te pia okotai ma te aronga mamaata. I roto i te au akonoanga taku i aere atura, kua akaruke te au tamariki i to ratou nga metua e ka aere ki te Apii Tapati.”

Te rotai anga tangata: “E mea matauia, kua akaputuputu ua te akonoanga i te au mema o tetai iti tangata me kare pupu eteniki. . . . Inara, kua noo kapiti ua te Au Kite o Iehova e kare i te au pupu eteniki.”

E vaerua turouanga: “E manganui te tangata i aere mai e kua tuatua maira kiaku. . . . Kua ui katoa mai tetai e me te apii nei au i te Pipiria ma tetai tangata. Inara, kare au i manako ana e te taomi ra ratou iaku. Kua . . . akaruke mai ratou i te iki anga kiaku.”

Kare e koi moni: “Ko te apinga tei akapoitirere tikai iaku i te mea kare e tangata e koi moni ana. . . . Ko te au are pure taku i aere ana kua koi katoa mai ratou i te moni i roto i te au apii a te tamariki.”

E vaitata ki te 90,000 au putuputuanga a te Au Kite o Iehova e takapini teianei ao. Eaa ka kore ei e atoro i te ngai vaitata atu kia koe?

[Tataanga Rikiriki i Raro]