Totou 2. Onge
“Te onge.”—MAREKO 13:8.
● Te akaruru ra tetai tangata i roto i te oire o Quaratadji, Niger. Kua aere katoa mai tona kopu tangata mei tetai tuanga mamao o te enua kia atea mai mei te ngai onge. Tera ra, te takoto ra te tangata koia anake ua ki runga i te moenga i runga i te taua. Eaa ra aia i noo ei koia anake ua? “Kare e rauka iaia i te angai e te akara atu [i tona pamiri] e mate pongi ra,” i akamarama mai ei a Sidi, te mataiapo o te oire.
EAA TA TE AU TUPUANGA E AKAARI MAIRA? I te ao e pini ua ake, vaitata rai e 1 tangata i roto i te 7 tangata kare e rava ana te kai no te ra okotai. Kino atu tetai tuanga o te Sahara i Aperika, e 1 tangata i roto i te 3 tangata kua mate i te pongi. Me marama tatou i taua numero ra, ka manako atu tatou i tetai pamiri e metua tane, e metua vaine, e te pepe. Me ka rava ua te kai na te nga tangata e rua, koai i reira te ka mate pongi? Te metua tane? metua vaine? te pepe? Ko te ikianga teia a te pamiri i te au ra tataki tai.
EAA TE TUPUANGA MATAUIA? Maata te kai o te enua ei angai i te katoatoa. Ka anoanoia kia akaaere meitakiia te au kai o te enua.
TAU AINEI TEIA TUPUANGA? E tika, maata atu te kai ka rauka i te aronga tanutanu i te akatupu e te tua aere i to mua atu ana i roto i te tuatua enua. Tano tikai, ka rauka i te au kavamani i te akaaere i te au kai o te enua kia akono atu i te onge. Inara, noatu te au tauta anga no tetai rau ngauru mataiti, kare i rauka ana ia ratou i te rave i te reira.
EAA TOOU MANAKO? Kua akatupuia ainei a Mareko 13:8? Noatu te puapinga nei te turanga tekinoroti, te takino ra ainei te onge i te au tangata i te ao katoa?
E akatupu putuputu ana te ngaruerue enua e te onge i te au manamanata e tupu mai ana mei tetai atu tuanga o te akairo no te tuatau openga.
[Tataanga i te kapi 5]
“Maata atu i te toru tuanga o te au tamariki tei mate no te nimonia, eke e tetai atu au maki e ka ora mai, naringa ratou e kaikai meitaki ana.”—ANN M. VENEMAN, FORMER EXECUTIVE DIRECTOR OF THE UN CHILDREN’S FUND.
[Tutu Akameitakianga i te kapi 5]
© Paul Lowe/Panos Pictures