Ui te au Mapu E—Eaa Taku ka Rave i Roto i Toku Oraanga? (Tuanga 1)
I te au mapu e mamaata maira, ka anoanoia ratou kia rave i tetai au ikianga puapinga. Ei tauturu anga ia ratou, kua akapapaia te vitio Young People Ask—What Will I Do With My Life? Me akamata koe i te DVD, e iki i te Play Drama, e oti akara me ka rauka ia koe i te pau i te au uianga i roto i te parakarapa 2. Muri mai, iki i te Interviews i te akamataanga o te DVD, e oti iki i te Looking Back, e oti kia tauta i te pau i te au uianga i roto i te parakarapa 3.
Nuku: (1) Na teea au tu i aiteite ei to Timoteo turanga ki te au mapu Kerititiano i teia tuatau? (2) Akapeea a Andre i te maroia anga kia meitaki tikai aia i roto i te taemoemoanga oro? (3) Eaa ta te Taeake Fleissig i akakite kia Andre no runga (a) i te tavini maroiroi anga ia Iehova e te aruaruanga i te angaanga tipoti? (Mata. 6:24) (e) i te tumu o te mataora mou? (ng) i tana mereki no roto mai i te puakapa takinokinoanga e ta te reira i tauturu iaia kia akamaara? (i) iaia e tana vaine e te aronga i roto i te tutu? (k) i te taui anga i tana akakoroanga, e me kua tataraapa aia i te reira? (Phili. 3:8) (4) Akapeea te mama ruau o Andre te pauanga i tana uianga, “E tarevake ainei noku kia inangaro i te riro mai ei tangata oro rongonui?” (Luka 4:5-7) (5) Kua mataora tikai ainei a Andre no tei re aia i te taemoemoanga? (6) Eaa taau i mareka mai no runga i te reta openga ta te Taeake Fleissig i tata kia Andre? (Mase. 10:22) (7) Eaa ta te Taeake Fleissig i tauturu ia Andre kia kite mai?
Akamanako Akaou Anga: (8) Eaa te angaanga ta te taeake e te tuaine e aruaru ra, e no teaa ra? (9) Eaa te puapinga tei rauka mai ia raua? (10) Eaa tei akakeu ia raua kia taui i ta raua angaanga? (2 Kori. 5:15) (11) Eaa te au angaanga teokaratiki tei mono i ta raua angaanga mua, e eaa raua i manako ei e kare e rauka ia raua i te aruaru i te nga angaanga e rua? (12) Kua tataraapa ainei raua te tauianga to raua akakoroanga? (13) Eaa ta raua i akakite mai tei akakeu tikai ia koe kia akamanako e eaa taau ka rave i roto i toou oraanga?
Akara i te au uiuianga ke e te au uiuianga kapiti mai, e kia papa i te paupau atu no runga i te reira i roto i te uriurianga i te tuatau o te Uipaanga Tavini Anga a te epetoma ka aru mai.