ORAANGA KERITITIANO

Tauturu i Taau Tamariki Kia Ketaketa to Ratou Akarongo ki Roto ia Iehova

Te akakite nei te au mea i angaia i te kakā o Iehova. (Sala. 19:1-4; 139:14) Inara, te oronga nei teianei ao i tetai au apiianga pikikaa no runga i te akamataanga o te oraanga i te akakino atu i te Atua. (Roma 1:18-25) Akapeea koe me paruru i taau tamariki kia kore teia au apiianga e akaia ki roto i to ratou manako e to ratou ngakau? Apii ia ratou, mei te rikiriki anga mai, kia irinaki papu e e Atua tika tikai a Iehova e te manako maira aia ia ratou. (2 Kori. 10:4, 5; Ephe. 6:16) Pati kia akakite mai i to ratou manako no te au mea ta ratou i kite mai i te apii, e kia taangaanga i te au apinga tuke ke no te akakeu i to ratou ngakau.—Mase. 20:5; Iako. 1:19.

AKARA I TE VITIO TA TOOU AU OA E TUATUA RA—IRINAKI I TE ATUA, E OTI URIURI I TE AU UIANGA KA ARU MAI:

• Eaa tetai au apiianga no runga i te irinaki anga i te Atua?

• Eaa te au mea e apiiia ra i ko i taau apii?

• Eaa te au akapapu anga e e tika tikai a Iehova kia koe?

• Akapeea koe me akamārama ki tetai ke e na te Atua i anga i te au mea ravarai?

[Pia i te kapi 8]

TETAI AU MEA KE MAI:

• JW.ORG puka apii “Taku Au Apii Pipiria” (3 mataiti ki raro)

• Vitio Kia Riro ei oa no Iehova—“Na Iehova i Anga i te au Mea Ravarai”

• E Ara! au atikara “E Mea Maaniia Ainei?”

• JW.ORG pepa apii “Why Do I Believe in God?”

• JW.ORG au atikara “Creation or Evolution?” (e a tuanga)

• JW Broadcasting vitio “Viewpoints on the Origin of Life”

• Vitio The Wonders of Creation Reveal God’s Glory

• Poroutia Was Life Created?

• Puka Is There a Creator Who Cares About You?

[Pia i te kapi 8]

The Origin of Life—Five Questions Worth Asking

Kua neneiia teia poroutia kia tauturu i te au mapu Kite o Iehova tei apiiia no runga i te au mea tupu ua mai i ko i ta ratou apii. Kia oronga katoaia teia poroutia ki te aronga te ka inangaro i te kite maata atu no runga i Tei Anga mai.