Te Akakoreanga Ara i Mua Ake i te Oko

Ko te ravenga anake e akakoreia ai ta tatou ara koia oki na roto i te atinga oko tei tutakiia ma te toto o Iesu. (Ephe. 1:7) Inara, karanga te Pipiria: “I te akakore anga i te au ara i raveia i muatangana, i te akakoromaki anga o te Atua,” koia oki, kua akakore te Atua i te ara i mua ake ka oronga mai ei a Iesu i te oko. (Roma 3:25) Akapeea a Iehova i te rave anga i teia e i taua taime te akono i tona turanga apa kore no te tuatua tau?

I roto i te mata o Iehova, kua tutaki takereia te oko i te iki anga aia i te oronga mai i tetai “uanga” te ka akaora i te au tangata akarongo. (Gene. 3:15; 22:18) Kua papu i te Atua e i tona tuatau tau, ka oronga puareinga ua tana Tamaiti anau tai i te oko. (Gala. 4:4; Ebe. 10:​7-10) Ia Iesu i te enua nei ei mata i te Atua, kua orongaia te mana kiaia i te akakore i te ara i mua ake ka tutakiia ai te oko. Kua rave aia i teia na te taangaanga anga i te puapinga o tona atinga a te tuatau ki mua ki te aronga akarongo.—Mata. 9:​2-6.