E Taangaanga i te Pipiria Mei te I’o Rai

Kua akaaite te pipi ko Iakobo i te Pipiria ki tetai i’o, te ka tauturu ia tatou kia kite i te tangata i roto. (Iako. 1:​22-25) Akapeea tatou me taangaanga meitaki i te Pipiria mei te i’o rai?

E tatau meitaki i te reira. Me akara viviki tatou i roto i te i’o, kare tatou e kite atu i te ngai kinokino kia akatanotanoia. Mei tera katoa, me tatau viviki tatou i te Pipiria, kare tatou e kite i te au tauturu no te akatanotano. No reira, e tatau marie i te Pipiria, kia kitea te tauturu.

E akamanako i taau ka akatanotano. Tetai taime me akara tatou i te i’o, ka kite atu tatou i te tu o tetai tangata, penei ka ata mai tona ngai kinokino. Pera katoa, me tatau tatou i te Pipiria ka akamanako tatou e kua tau teia Irava no tetai ke. Inara, kare teia e tauturu ia koe kia akatanotano i toou tarevake.

Akaari i te tu tau. Me akara tatou i te i’o e kua kite atu i te tarevake, penei ka akaparuparu te reira ia tatou. No reira, e akaari i te tu tau me tatau koe i te Tuatua a te Atua e te akamanako kare a Iehova e māro ia tatou.—Iako. 3:17.