TUANGA 5

Tuikaa i Babulonia ki te Akatu Akaou Anga i te Patu o Ierusalema

Ia ratou e tuikaa ra i Babulonia, e maata te au timataanga i te akarongo o te ngati Iseraela. Kua titiriia a Sadaraka, Meseka e Abedenego ki roto i tetai umu ai vera, inara kua akaora te Atua ia ratou. Muri mai, i muri ake i te akaviia anga a Babulonia e to Madai e Peresia, kua titiriia a Daniela ki roto i tetai vaarua riona, inara kua paruru katoa te Atua iaia na te topiri anga i te vaa o te au riona.

I te openga, kua tukuia to Iseraela e te ariki o Peresia ko Kuro kia aere. Kua oki ratou ki to ratou enua anau e 70 mataiti i muri ake i to ratou apai tuikaaia anga ki Babulonia. Ko tetai mea mua ta ratou i rave i to ratou oki anga ki Ierusalema ko te akamata i te akatu i te iero o Iehova. Tera ra, kare i roa kua akamutuia ta ratou angaanga e te au enemi. No reira mei tetai 22 mataiti i muri ake i to ratou oki anga ki Ierusalema i oti ei te iero.

Aru mai, kua apii tatou no runga i te tere o Ezera i te oki anga ki Ierusalema i te akamanea i te iero. Kua tupu teia mei te 47 mataiti i muri ake i te oti anga te iero. E oti, 13 mataiti i muri ake i te tere o Ezera, kua tauturu a Nehemia i te akatu akaou i te patu ngaangaa o Ierusalema. Te Tuanga RIMA, kua pou e 152 mataiti o te tuatua enua tae mai ki teia tuatau.