Akapeea ta Tatou Akamorianga me Akamareka i te Atua?

Tei uriuriia i te apii i oti akenei, kare te au akonoanga e akamareka ana i te Atua. Inara, ka rauka ia tatou i te akamori i Tei Anga ia tatou kia tau kiaia. Eaa “te akono mou [me kore, akonoanga]” te akamareka ra iaia? (Iakobo 1:27) Akamanako i ta te Pipiria e apii maira.

1. Akatumuia ta tatou akamorianga ki runga i teaa?

Kua akatumuia ta tatou akamorianga ki runga i te Pipiria. Karanga a Iesu ki te Atua: “Ko te tuatua aau na te tuatua-mou.” (Ioane 17:17) Kua kopae tetai au akonoanga i te tuatua mou i roto i te Tuatua akauruia a te Atua, te Pipiria. Kua mono ratou i te reira ki te au apiianga e te au peu a te tangata. Kare ra a Iehova e mareka ana te “akakore anga [tetai aronga] i ta te Atua ra akauenga.” (E tatau ia Mareko 7:9.) Inara, ka akarekareka tatou i tona ngakau me aru tatou i te ako anga Pipiria.

2. Akapeea tatou me akamori ia Iehova?

Kia akamori anake ua tatou ia Iehova, koia Tei Anga mai ia tatou. (Apokalupo 4:11) Tera te aiteanga ka akaperepere tatou iaia e ka akamori iaia anake, kare e anoanoia te itoro, te tiki, e tetai ua atu apinga.​—E tatau ia Isaia 42:8.

Kia “tapu, e tau oki” ta tatou akamorianga kia Iehova. (Roma 12:1) Tera te aiteanga kia aru tatou i tona au turanga tau. Ei akaraanga, te aronga tei akaperepere ia Iehova ka akaperepere e ka aru ratou i tona au turanga no te akaipoipo. E ka kopae ratou i te au angaanga kino, mei te kai avaava me kore te kai i te apinga akakona e te kona kava.a

3. Eaa tatou ka akamori kapiti ei ia Iehova ma te au taeake irinakiia?

Te oronga maira ta tatou uipaanga epetoma i te tuatau “ka akameitaki [tatou] ia Iehova . . . i roto i te uipa anga ra.” (Salamo 111:1, 2) Tetai mataara na te imene akapaapaa anga i te Atua. (E tatau ia Salamo 104:33.) Pati mai a Iehova ia tatou kia aere ki te au uipaanga no te mea te akaperepere ra aia ia tatou e kua kite aia e ka rauka te oraanga mataora e tuatau ua atu. Me aravei kapiti tatou no te akamaroiroi anga, ka puapingaia tatou.

KIMI OONU

4. Auraka tatou e taangaanga i te au itoro akatikitikiia no te akamorianga

VITIO: Mareka Ainei te Atua i te au Itoro Akatikitikiia no te Akamorianga? (3:26)

• I te tuatau Pipiria, eaa tei tupu te akamori anga te iti tangata o te Atua iaia ma te au itoro?

Ka tauta tetai aronga i te akavaitata ki te Atua na te akamorianga i te au itoro akatikitikiia. Kare ainei te reira e kopae takiri atu iaia? E tatau ia Exodo 20:​4-6 e Salamo 106:​35, 36, e oti uriuri i teia au uianga:

• Eaa te au itoro akatikitikiia taau i kite ana e taangaanga ra te tangata?

• Eaa to Iehova manako i teia au itoro akatikitikiia?

• Eaa toou manako i te au itoro akatikitikiia?

5. Me akamori anake ia Iehova, ka akarangatira ia tatou mei te au manako pikikaa

VITIO: Akarangatiraia e te Tuatua Mou (5:16)

E tatau ia Salamo 91:14, e oti uriuri i teia uianga:

• Eaa ta Iehova i taputou mai e ka rave aia me akaperepere tatou e te akamori iaia anake?

6. Ka akamori tatou i te Atua i ko i te au uipaanga

Ka akapaapaa tatou ia Iehova e ka akamaroiroi i tetai e tetai na te imene anga e te paupau anga i te au uipaanga. E tatau ia Salamo 22:22, e oti uriuri i teia au uianga:

• E reka ana ainei koe te akarongo i te au paupau anga i ko i te au uipaanga?

• Ka inangaro ainei koe i te akapapa e te oronga i tetai pauanga?

7. Ka mareka a Iehova me akakite tatou i ta tatou e apii ra

E maata te au ravenga ka rauka ia tatou te akakite i te tuatua mou Pipiria ki tetai ke. E tatau ia Salamo 9:1 e te 34:1, e oti uriuri i teia uianga:

• Eaa taau i apii ana mei roto i te Pipiria ka inangaro koe i te akakite ki tetai ke?

APIIANGA

Ka akamareka tatou i Tei Anga me akamori tatou iaia anake, me akapaapaa iaia i te au uipaanga, e te akakite i ta tatou e apii ra ki tetai ke.

Uriurianga

• Akapeea tatou me akamori i te Atua ma te tau?

• Eaa tatou ka akamori ei ia Iehova anake?

• Eaa tatou ka akamori kapiti ei ma te anoano i te akamareka i te Atua?

KIMI KIMI

I roto i te tua “Kare au e Tuikaa Akaou i te au Itoro,” tatau akapeaa tetai vaine te akaruke anga i te akamorianga itoro.

“Taui te Pipiria i te Oraanga” (Te Punanga Tiaki, Tiurai 1, 2011)

Apii kia kite eaa te ka tauturu ia koe kia paupau i ko i te au uipaanga.

“Akapaapaa ia Iehova i Roto i te Putuputuanga” (Te Punanga Tiaki, Tianuare 2019)

Akara akapeea tetai mapu tane te puapingaia anga mei te au uipaanga, noatu e ngata te reira.

Akono a Iehova Iaku (3:07)

Maata te tangata e kapiti ana i te irinakianga o te cross ki roto i te akonoanga Kerititiano, inara ka taangaanga ainei tatou i te reira ei akamorianga?

“Eaa te Tumu Kare te Au Kite o Iehova e Taangaanga Ana i te Cross i Roto i ta Ratou Akamorianga?” (Web atikara)