Akangateitei

Ta Paulo i Rave

VITIO: Tutu Aere a Paulo ki te Aronga Atene

1. Akara i te VITIO, me kore e tatau ia Angaanga 17:​22, 23. E oti akamanako i te au uianga:

1. a. Eaa to Paulo manako te kite anga aia i te akamorianga pikikaa i Atene?—Akara ia Angaanga 17:16.

2. e. Kare a Paulo i akakino i te au tangata Atene inara, akapeea aia i akangateitei ei i ta ratou e irinaki ra e te akakite i te nuti meitaki?

Eaa te Apiianga Mei ia Paulo?

2. Me iki tatou i te au tuatua meitaki, te tu o ta tatou tuatua e te taime tau, ka akarongo mai te tangata.

Aru ia Paulo

3. Iki meitaki i taau ka tuatua. Ei akaraanga, me pukapuka koe ki tetai tangata kare i te Kerititiano, penei e akamanako akapeea koe me tuatua no runga i te Pipiria e pera te taiku ia Iesu.

4. Eiaa e viviki i te akatano iaia. E akarongo ki tana tuatua. Me akakite mai aia i tetai apiianga tarevake, auraka e taumaro atu. (Iako. 1:19) E akarongo kiaia, ka kite i reira koe i tona manako.—Mase. 20:5.

5. E āriki i te au manako tei tano e oti akameitaki iaia. Penei kua irinaki tikai aia e te tika ua ra tana au irinakianga. E uriuri i ta korua i āriki, e oti e tauturu iaia kia mārama i ta te Pipiria e apii maira.