E AKARIRO EI PIPI
APII 10
Rave Tamou
Kaveinga: “Auraka koe e tāpu i te meitaki i te tangata e tau iaia ra, e tei to rima rai taua meitaki ra kia o atu.”—Mase. 3:27.
Ta Iesu i Rave
1. Akara i te VITIO, me kore e tatau ia Ioane 3:1, 2. E oti akamanako i te au uianga:
a. Eaa a Nikodemo i aere ei kia Iesu i te po?—Akara ia Ioane 12:42, 43.
e. Kia akariro i te tangata ei pipi, akapeea a Iesu i te rave tamou anga i teia?
Eaa te Apiianga Mei ia Iesu?
2. Kia akariro i te tangata ei pipi, ka akaari tatou i to tatou inangaro ia ratou na te rave tamou anga i teia.
Aru ia Iesu
3. Apii i te taime e te ngai tei tau ki te tangata apii Pipiria. Penei ka reka aia i tetai rā o te epetoma e te ora tei tau kiaia. Ka mataora ainei aia i te apii i te ngai angaanga, i tona ngutuare, me kore i te ngai tangata? Me ka rauka, e taui i taau i akanoo kia tau kiaia.
4. Apii putuputu. Me kare koe e tae ki tana apii, auraka e akaruke atu. Mari ra, e akamanako:
a. Ka rauka ainei ia koe i te apii i tetai rā ke o te epetoma?
e. Ka rauka ainei ia koe i te apii i runga i te tereponi me kore i runga i te vitio karangaranga?
ng. Ka rauka ainei ia koe i te pati i tetai papuritia kia apii kiaia?
5. Pure no te tu meitaki. E pati kia Iehova no te tauturu kia akono ua rai koe i taau tangata apii, noatu te ngata iaia i te apii putuputu me kore te taangaanga i te ako Pipiria. (Phili. 2:13) Mea papu e au tu meitaki tona, e pure kia akamou koe ki runga i te reira.