E AKARIRO EI PIPI
APII 11
Māmā Ua
Kaveinga: “E tuatua i te tuatua kitea uaia ra.”—1 Kori. 14:9.
Ta Iesu i Rave
1. Akara i te VITIO, me kore e tatau ia Mataio 6:25-27. E oti akamanako i te au uianga:
a. Akapeea a Iesu te akatutu anga i ta Iehova akono anga ia tatou?
e. Noatu e maata ta Iesu i kite no runga i te au manu, eaa ra tana i akamou ei ki runga? Eaa te reira i puapinga ai?
Eaa te Apiianga Mei ia Iesu?
2. Me apii tatou i te tangata na roto i te tu māmā ua, ka maara ia ratou te apii e ka akakeuia to ratou ngakau.
Aru ia Iesu
3. Eiaa e maata te tuatua. Eiaa e tuatua maata no runga i te tumu manako, mari ra e akamou ua ki runga i te manako i roto i te puka apii. Me ui koe i tetai uianga, e tiaki marie kia pau aia. Me kare aia i kite i te pauanga me kore ka akakite mai aia i tetai apiianga tarevake, e ui i tetai au uianga ke. Me mārama aia i te reira tumu manako, e teke ki te apii ka aru mai.
4. E uriuri i tana i kite, kia mārama aia i te apii ou. Ei akaraanga, i mua ake ka akamata ai i te apii no te tuakaouanga, penei e uriuri poto eaa tana i kite no runga i te turanga o te mate.
5. Taangaanga meitaki i te au akatutuanga. I mua ake ka rave ei koe i te reira, e ui kia koe:
a. ‘Māmā ua ainei te akatutuanga?’
e. ‘Ka mārama ainei aia?’
ng. ‘Ka maara ainei iaia te manako puapinga—e kare ko te akatutuanga ua?’