PAUIA TE AU UIANGA PIPIRIA
E manakonakoanga ainei to tei mate?
Mei te moe rai te mate, kare tei mate e kite ake ana, e kare ana angaanga e rauka i te rave. Inara, ka rauka i Tei Anga mai i te oraanga, i te akaoki akaou mai i tei mate na roto i te tuakaouanga. Te akapapuanga, kua akamana te Atua ia Iesu kia akaora akaou mai i tetai au tangata.—E tatau ia Koheleta 9:5; Ioane 11:11, 43, 44.
I roto i teea tu i aite ei te mate mei te moe?
Kua taputou mai te Atua e ko te aronga i mate e vai ra i roto i tona manakonakoanga, ka akatu akaouia mai ratou ki roto i tetai ao ou e te tuatua tika. Te aronga i mate, kare ratou e akatu vaveia mai, e tae ua atu ki te taime e akaora mai ei te Atua ia ratou. Inangaro maata to te Atua Mana Katoatoa i te taangaanga i tona mana kia akaora akaou mai i tei mate.—E tatau ia Iobu 14:14, 15.
Mei teaa ra te tu o te tuakaouanga?
Me akatu akaou mai te Atua i te tangata, ka maara ia ratou e koai ratou, to ratou au oa, e to ratou kopu tangata. Noatu ka pe te kopapa tangata, ka rauka ua i te Atua i te akatu akaou mai i tera tangata i roto i tetai kopapa ou.—E tatau ia 1 Korinetia 15:35, 38.
E tokoiti ua te ka akatuia mai kia noo i runga i te rangi. (Apokalupo 20:6) Te maataanga o te aronga ka akatuia mai ka noo ratou ki roto i tetai parataito ou i te enua nei. E akamataanga ou to ratou, ma te manakonakoanga kia ora e mutu kore ua atu.—E tatau ia Salamo 37:29; Angaanga 24:15.