Eaa ta te Pipiria e Akakite Ra?

Te akatupu ra ainei te Atua i te mamae?

Eaa taau ka tuatua?

▸ Ae

▸ Kare

▸ Penei

Akakite ra te Pipiria e

“Kia atea ke atu te tuatua kino i te Atua; e te ara i te Mana katoatoa.” (Iobu 34:10) Kare rava te Atua e akatupu i te kino e te mamae ta tatou e kite ra i teianei ao.

Eaa atu ta tatou ka apii mei te Pipiria?

▸ Na te Tiaporo ko Satani “te ariki o teianei ao,” e akatupu ra i te mamae maata.​—Ioane 14:30.

▸ E tupu putuputu katoa ana te mamae e te kino mei te au ikianga tau kore ta tatou ka rave.​—Iakobo 1:14, 15.

Ka ope ainei te au tu mamae?

Irinaki tetai pae e ka rauka i te tangata i te takore i te au tu mamae na roto i te tautaanga kapiti, tetai pae te manako ra te kino ua atura te au turanga o teianei ao. Eaa toou manako?

Akakite ra te Pipiria e

Ka akakore te Atua i te mamae. “E e kore rava te mate, e te aue, e te mii; e te mamae oki, e kore katoa ïa.”​—Apokalupo 21:3, 4.

Eaa atu ta tatou ka apii mei te Pipiria?

▸ Ka taangaanga te Atua ia Iesu kia akakore i te mamae ta te Tiaporo i akatupu.​—1 Ioane 3:8.

▸ Ka noo te au tangata meitaki ma te au ki runga i te enua e tuatau ua atu.​—Salamo 37:9-11, 29.

Kia kite i te tumu i akatika ai te Atua i te mamae, akara i te pene 11 o teia puka, Eaa Tikai ta te Pipiria e Apii Maira?, neneiia e te Au Kite o Iehova

Ka rauka i te kopi mai mei runga i te www.pr2711.com

[Tutu i te kapi 16]

Kua ki teianei ao i te mamae, inara na te Atua ainei teia i akatupu?