Eaa ta te Pipiria e Akakite Ra?

Eaa ra a Aramagido?

Irinaki tetai pae . . .

e takore anga takapini i teianei ao, na tetai apinga tamaki ririnui me kore e takore anga ao rangi. Eaa toou manako?

Akakite ra te Pipiria e

E ngai akatutu anga a Aramagido no “te tamaki i taua rā maata o te Atua mana katoatoa ra,” no te aronga kino.​—Apokalupo 16:14, 16.

Eaa atu ta tatou ka apii mei te Pipiria?

▸ Ka tamaki te Atua i te tamaki o Aramagido, kare ei takore i te enua, mari ra kia paruru i te reira mei te takore anga a te tangata.​—Apokalupo 11:18.

▸ Ka akakore te tamaki o Aramagido i te au tamaki anga katoatoa.​—Salamo 46:8, 9.

Ka ora ainei tatou i te tamaki o Aramagido?

Eaa taau ka tuatua?

▸ Ae

▸ Kare

▸ Penei

Akakite ra te Pipiria e

“E aronga maata rava” tetai mei te pa enua ravarai ka ora atu i te “mate maata,” me tupu te tamaki o Aramagido.​—Apokalupo 7:9, 14.

Eaa atu ta tatou ka apii mei te Pipiria?

▸ Ka inangaro te Atua i te katoatoa kia ora atu ia Aramagido. Ko te aronga kino ka takore Aia i te openga.​—Ezekiela 18:32.

▸ Akamārama mai te Pipiria, akapeea tetai e ora ai ia Aramagido.​—Zephania 2:3.

No tetai akakiteanga maata atu, akara i te pene 8 o teia puka, Eaa Tikai ta te Pipiria e Apii Maira?, neneiia e te Au Kite o Iehova

Ka rauka i te kopi mai mei te www.pr2711.com

[Tutu i te kapi 16]

“E aronga maata rava” kare e rauka kia tatauia mei te pa enua ravarai ka ora atu ia Aramagido