“Te Aronga Maru ra, ka Noo ïa i te Enua”

Te maataanga ia tatou kua kite ana tatou i te au tu tika kore, te aronga meitaki tei takinokinoia e te aronga kino. Ka kore ainei te au tu tika kore e te kino?

Te oronga maira a Salamo 37 i te pauanga e te kaveinga no tatou i teia tuatau. Akamanako ana i teia au uianga puapinga.

• Eaa ta tatou ka rave me takinokinoia tatou?—Irava 1, 2.

• Eaa te ka tupu ki te aronga kino?—Irava 10.

• Eaa te ka tupu a te tuatau ki mua no te aronga tei rave i te meitaki?—Irava 11, 29.

• Eaa ta tatou ka rave i teianei?—Irava 34.

Akataka mai te au tuatua akauruia o Salamo 37 i te oraanga a te tuatau ki mua no te aronga tei ‘tiaki atu ia Iehova, e tei akono tikai i tona arataa.’ Ka mataora te Au Kite o Iehova i te tauturu ia koe te apii i te Pipiria e te akaari atu akapeea e rauka ai ia koe e toou ngutuare tangata, te oraanga meitaki a te tuatau ki mua.