Te Tuatua Mou no te Patireia o te Atua
Apii a Iesu i tana pipi kia pure: “E to matou Metua i te ao ra, Kia tapu toou ingoa. Kia tae toou basileia. Kia akonoia toou anoano i te enua nei, mei tei te ao katoa na.” (Mataio 6:9, 10) Eaa te Patireia o te Atua? Eaa ta te reira ka akatupu? Eaa tatou ka pure ei no te reira?
Ko Iesu te Ariki o te Patireia o te Atua.
Luka 1:31-33: “E naau e tapa i te ingoa ia Iesu. Ka maata aia, e ka tuatuaia i te Tamaiti na Tei Teitei: e na te Atu ra, na te Atua e oronga mai i te terono o tona metua o Davida nona: Ei iaia te au i te kopu-tangata o Iakoba e tuatau ua atu, kare rava ïa e kore tona basileia.”
Ko te Patireia ta Iesu i tutu aere.
Mataio 9:35: “Aere aturā Iesu na roto i te au oire e te au vila katoa, i te apii anga i roto i to ratou au sunago, e te ako anga i te evangelia o te basileia, e te akaora anga i te au maki ravarai, e te au mate katoa o te tangata.”
Akakite a Iesu i te au akairo ki tana pipi kia kite aea te Patireia e tae mai ei.
Mataio 24:7: “E tu mai tetai enua e tamaki mai ki tetai enua, e tetai basileia e tamaki mai ki tetai basileia: e onge oki, e te maki-mate, e ngaruerue te enua i tera ngai, i tera ngai.”
Te tutu aere nei te pipi a Iesu i te Patireia i te ao katoa.
Mataio 24:14: “E tutu aereia te evangelia o te basileia nei, e kako rava ake te ao katoa nei; ei kite no te pa enua ravarai; ko te openga iora ïa i reira ra.”