Tuatua Akamaaraara no te Akamaaraanga

Ko te akonoanga no te Akamaaraanga no teia mataiti ka raveia a te Tapati, Aperira 4. E mea tau kia akamanako te aronga pakari no runga i te au mea ka aru mai:

◼ I te akanoo anga i te taime no te uipaanga, e akapapu e kia kore te au oroa e patiia kia tae rava ki muri ake i te opunga ra.

◼ E mea tau kia akakiteia ki te katoatoa, te vaa tuatua, i te taime tikai e te ngai no te akonoanga.

◼ Kia tau te tu o te varaoa e te uaina ka raveia mai e ka akapapaia.​—Akara i te Punanga Tiaki, o Peperuare 15, 2003, kapi 14-15.

◼ Mea tau kia apainaia mai te au mereki, te au karati, e tetai kaingakai tau e te ariki kaingakai ki ko i te are uipaanga e ka akapapa ei na mua ake.

◼ Kia tama meitakiia te Are Uipaanga Patireia me kare e etai atu au ngai uipaanga anga na mua ake.

◼ Kia ikiia e kia ikuikuia atu na mua ake te aronga raverave e te aronga tua no runga i ta ratou au tuanga angaanga, te mataara tau kia aruia, e te anoano no te kakau e te akamanea anga tau tikai.

◼ Mea tau kia raveia te au akanoonooanga no te akono i tetai ua atu o te aronga akatainuia tei makimaki e kare e rauka kia tae mai.

◼ Mei te mea e e maata atu i te okotai putuputuanga tei akanooia no te taangaanga i te Are Uipaanga Patireia, e mea tau kia akatikatika meitakiia i rotopu i te au putuputuanga kia kopaeia te kononinonianga i roto mai e me kare te mataara e tomo atu ei ki roto, e ki runga i te ara no te aaere, e ki te ngai vairanga motoka.