Te ka Tuatuaia no te Au Makatini

Te Punanga Tiaki Tiunu 15

“Kare ainei e ka akatika koe e e akaaoanga te terenianga i te tamariki i teia tuatau nei o teianei ao? [Akatika no te pauanga.] E akara ana i teia akapapuanga e ka autu te au metua. [Tatau ia Maseli 22:6.] Te oronga maira teia itiu o Te Punanga Tiaki i te ako tau meitaki kia tauturu i te au metua i te akono i teia akaaoanga.”

Awake! June 22

“E manako ana etai e kare i te mea taineti kia irinaki ki roto i te Atua. Inara kua kite ana ainei koe e te vai ra te au taineti tei karanga e te turu tikai ra te taineti i te irinaki i roto i Tei Anga ra? [Akatika no te pauanga.] Te akamanako ra teia itiu o te Awake! i etai akapapuanga tei akakeu ia ratou kia tae ki taua taopenga anga.” Tatau ia Roma 1:20.

Te Punanga Tiaki Tiurai 1

“I te au tuatau tumatetenga, e manganui te ekoko ra e me te manako tikai maira te Atua i te au tangata e te kite maira i to ratou mamae anga. I manako ainei ana koe no runga i te reira? [Akatika no te pauanga.] Te uriuri ra teia makatini e akapeea te Atua i te akaari anga i tona manako no tatou i teia tuatau e akapeea aia i te oronga anga i te tumu anga no te akakoreanga pouroa i te mamae anga.” Tatau ia Ioane 3:16.

Awake! July 8

“No te manganui o te tangata, ko te tuatau mapu e tuatau ia no te rekareka e te au akaaoanga katoa, kare ainei koe e akatika? [Akatika no te pauanga.] Te uriuri ra teia makatini i te au tauianga te ka aereia e te au mapu. Te akara matatio katoa ra te reira i etai ako kite pakari te ka tauturu ia ratou kia akono kia meitaki tikai to ratou au mataiti mapu.” Tatau ia Koheleta 12:1.