Te ka Tuatuaia no te Au Makatini

Te Punanga Tiaki Tepe. 15

“Te inangaro nei au i toou manako no runga i ta teia e akakite maira. [Tatau ia Deuteronomi 32:4.] Kua manako ana ainei koe e eaa te tumu i maata ai te mamae e te tu kino i roto i te ao nei me e mana katoatoa to te Atua, e te tuatua tika? [Tiaki no te pauanga.] Te akamarama maira teia makatini i te tumu i akatika ua ai te Atua i te tu kino e tae ua mai ki to tatou tuatau nei.”

E Ara! Sept.

“E inangaro ana te maataanga ia tatou i tetai oraanga kopapa meitaki e tetai oraanga roa. I toou manako e, na te akonoanga i tetai manako papu tikai, ka akameitaki atu ainei i to tatou oraanga kopapa? [Tiaki no te pauanga. Tatau i reira ia Maseli 17:22.] Te uriuri nei teia atikara i te tumu i puapinga ai kia tatanu i te tu manako papu tikai.” Akaari i te atikara i te kapi 26.

Te Punanga Tiaki Oko. 1

“Kua karanga ana ainei koe kia koe uaorai e, ‘Naringa rai au i rave i teia, eiaa i tera!’? [Tiaki no te pauanga.] E akara ana i ta teia e akakite maira i te tumu e akono ana tatou katoatoa i tetai au taime i te au ikianga, e i muri akera kua tataraapa tatou i te reira. [Tatau ia Ieremia 10:23.] Te akamarama maira teia makatini e akapeea te akoanga tau tei kiteaia i roto i te Pipiria ei tauturu ia tatou kia akono i te au ikianga meitaki.”

E Ara! Oct.

“I toou manako e kino rava atu ainei te au turanga i teia tuatau no te tamariki i to te tuatau i topa? [Tiaki no te pauanga.] E manganui te irinaki ra e te noo nei tatou i roto i te tuatau e akatakaia nei i konei. [Tatau ia 2 Timoteo 3:1-5.] Te oronga maira teia makatini i tetai au akakiteanga tau e akapeea te au metua i te paruruanga i ta ratou tamariki mei te aronga kanga tamariki.”