Te ka Tuatuaia no te Au Makatini

Te Punanga Tiaki Tianuare-Mati

“I roto i teia au tuatau papu kore, e manganui te taitaia ra no te tuatau ki mua. Eaa te ka tauturu ia koe kia akono i tetai manako papu? [Tiaki no te pauanga.] E akara i teia taputou a te Pipiria. [Tatau ia Isaia 65:17.] Te oronga mai nei teia makatini i te au tumu puapinga kia akamanako papu no runga i te tuatau ki mua.”

E Ara! Tianuare-Mati

“E manganui te aronga te akangateitei ra ia Iesu i teia tuatau o te mataiti. Kia tau ki teia irava, ko teea mataara meitaki i toou manako te ka rauka i te akangateitei iaia? [Tatau ia Ioane 14:15. Tiaki no te pauanga.] Kare i kiteaia e ko teea tikai te ra i anauia ai a Iesu, penei ka poitirere koe i te kite e eaa ra a Titema ra 25 i ikiia ai e ko te ra Kiritimiti.” E akaari i te atikara te akamata ra i te kapi 10.

Te Punanga Tiaki Tianuare-Mati

“E tukeke te manako o te au tangata i teianei ao no runga ia Maria, te metua vaine o Iesu. Eaa toou manako? [Tiaki no te pauanga.] Te akaari maira te Pipiria e e tuanga puapinga tikai ta Maria i roto i te tuatua enua. [Tatau ia Luka 1:30-32.] Te uriuri nei teia makatini i ta tatou ka kite mai no tona akaraanga.”

E Ara! Tianuare-Mati

“E apinga meitaki te Internet, inara ka riro ei akakino pakari i te tamariki. Akapeea tatou i toou manako i te paruruanga ia ratou? [Tiaki no te pauanga.] E akamanako ana i teia manako, ine. [Tatau e e akamanako ia Maseli 18:1.] Ko teia tetai o te kaveinga Pipiria e ono ta teia atikara e akataka maira ei tauturu i te au metua kia paruru i ta ratou tamariki.” Akaari i te atikara e akamata ra i te kapi 8.