Ta ka Tuatuaia no te Au Makatini

Te Punanga Tiaki Aperira-Tiunu

“I toou manako te ariki maira ainei te Atua i te au akonoanga katoatoa? [Tiaki no te pauanga.] Akara i te manako ta Iesu e akaari nei i konei. [Tatau ia Mataio 15:8, 9.] Te akamanako ra teia atikara e me te ariki ra te Atua i te au tu akamorianga katoatoa.” Akaari i te atikara i te kapi 9.

E Ara! Aperira-Tiunu

“Me taikuia te tuikaa, e manako ana te tangata ia Aperika. Inara, kua kite ainei koe e kua tupu ana te tuikaa i te Patipika Tonga? Te oronga maira teia atikara i tetai tuatua enua poto ua eaa tei tupu ana. [Akaari i te atikara i te kapi 24.] Ka rauka ia tatou i te akara atu ki tetai tuatau mataora me akakoreia te au tu takinokinoanga ravarai, te au tu kino e te tuikaa.” [Tatau ia Mika 4:4.]

Te Punanga Tiaki Aperira-Tiunu

“E mea ngata tikai i te rave i te mea tika me maro mai te tangata ia tatou kia rave i tetai atu au apinga ke. Eaa toou manako te ka tauturu ia tatou kia kore e aru atu i te reira? [Tiaki no te pauanga. Tatau i reira ia Maseli 29:25.] Te akakite maira teia atikara puapinga e rima tumu kia mataku i te akamareka kore anga i te Atua kare i te tangata.” Akaari i te atikara e akamata ra i te kapi 12.

E Ara! Aperira-Tiunu

“Te akatupu nei te kimi puapinga i te pae moni i te manamanata ki te manganui i teia tuatau, ka anoanoia kia akaaere meitakiia te moni, e kia apiiia te tamariki kia akamanako meitaki i te puapinga o te moni. Na teia e tauturu ia ratou, ia ratou e tupu maira ei aronga mamaata. Tei roto ia 1 Timoteo 6:7, 8 te au akoanga puapinga. [Tatau i te irava.] Te akakite maira teia au putunga atikara i te au manako no runga i te moni i roto i te kapi 5 ki te 8, te ka riro ei mea puapinga tikai.”