Te ka Tuatuaia no te Au Makatini

Te Punanga Tiaki Aperira-Tiunu

“E mea ngata tikai i te rave i te mea tika me maro mai te tangata ia tatou kia rave i tetai atu au apinga ke. Eaa toou manako te ka tauturu ia tatou kia kore e aru atu i te reira? [Tiaki no te pauanga. Tatau i reira ia Maseli 29:25.] Te akakite maira teia atikara puapinga e rima tumu kia mataku i te akamareka kore anga i te Atua kare i te tangata.” Akaari i te atikara e akamata ra i te kapi 12.

E Ara! Aperira-Tiunu

“Te akatupu nei te kimi puapinga i te pae moni i te manamanata ki te manganui i teia tuatau, ka anoanoia kia akaaere meitakiia te moni, e kia apiiia te tamariki kia akamanako meitaki i te puapinga o te moni. Na teia e tauturu ia ratou, ia ratou e tupu maira ei aronga mamaata. Tei roto ia 1 Timoteo 6:7, 8 te au akoanga puapinga. [Tatau i te irava.] Te akakite maira teia au putunga atikara i te au manako no runga i te moni i roto i te kapi 5 ki te 8, te ka riro ei mea puapinga tikai.”

Te Punanga Tiaki Tiurai-Tepetema

“Eaa toou manako te akangata ra i tetai tangata kia irinaki i te Atua? [Tiaki no te pauanga.] Kia tau ki teia irava, e puapinga te akarongo. [Tatau ia Ebera 11:6.] Te uriuri nei teia makatini e a takainga ka rauka ia tatou i te akaketaketa i to tatou akarongo.”

E Ara! Tiurai-Tepetema

“E manganui te au tamariki apii te taitaia nei. I toou manako kua taui ainei te au mea mei te tuatau o to ratou nga metua? [Tiaki no te pauanga.] E kino tikai te taitaia maata. [Tatau ia Koheleta 7:7a.] Te uriuri nei teia makatini akapeea te aronga mamaata i te tauturu anga i te au mapu kia akakoromaki ua.”