Tutu Aere ma te Tu Rapurapu!
1. Eaa te akoanga a Paulo i anoanoia ai no tatou i teia tuatau?
1 “E akakite ua koe i te tuatua; kia tamou marie rai.” (2 Timo. 4:2) Eaa te akoanga a Paulo i puapinga tikai ei i to tatou tuatau? Akapeea teia au tuatua i te akakeuanga i to tatou oraanga e to tetai ke?
2. Eaa tatou ka kimi maroiroi ei i te aronga kare i akarongo ake i te tuatua meitaki?
2 Te O Maira te Oraanga: Mirioni ua atu te tangata takapini i teianei ao, kare ake rai i akarongo ake i te tuatua meitaki te ka taki atu ia ratou ki te ora. (Roma 10:13-15; 1 Timo. 4:16) E kitea mai ana te maata anga o te aronga ngakau tika, i roto i te ngai e tutu putuputuia ana. Me atoro atu tatou i tetai ra ke, me kore i tetai ora ke o te reira ra, penei ka aravei tatou i tetai tangata ke. Ka rauka mai te akava ngakau ma e kare e apa i te toto o te tangata, no taua kimianga maroiroi ra.—Anga. 20:26.
3. Akapeea tatou i te taangaanga meitaki anga i to tatou ora i roto i te angaanga orometua?
3 Noatu e kua aro atu te au Kerititiano o te anere mataiti mua i te patoianga kino, ‘kua ki rava a Ierusalema ia ratou i ta ratou tuatua’ (Anga. 5:28) Mei te reira ainei tatou e kia “akakite ua atu” rai? (Anga. 10:42)Te taangaanga meitaki ra ainei tatou i te ora, ia tatou i roto i te angaanga orometua? Me te tiaki ra tatou i tetai ke e atoro akaou ra, e tuatua atu ana ainei tatou ki te aronga e pati maira ia tatou?
4. Akapeea te tutu aere ma te tu rapurapu i te tauturu anga ia tatou kia matakite?
4 Kia Vai Matakite Tatou: I teia akatereanga o te au mea nei e vaitata atura ki te openga, kia vai matakite ua tatou, kia ara ua. (1 Tesa. 5:1-6) Me tuatua putuputu tatou i to tatou manakonakoanga Patireia, ka kopae tatou i te taomianga a te akatereanga o teia au mea nei. (Luka 21:34-36) Te ka tupu, ia tatou e ‘tamou vaitata ra ki te manako’ o te ra o Iehova, ka akakeuia tatou kia akamaata atu i ta tatou tuanga i roto i te angaanga tutu aere no te akaoraanga.—2 Pete. 3:11, 12, NW.
5. Akapeea te akangateitei anga i te oraanga i te akakeu anga ia tatou i roto i te angaanga orometua?
5 Me tutu aere tatou ma te tu rapurapu, te akaata ra tatou i te manako o Iehova no te oraanga: “Kare rava i anoano e kia mate atu tetai, kia rauka katoatoa ra te tataraara.” (2 Pete. 3:9; Eze. 33:11) Kia aruaru pakari atu rai tatou i te atoro kia maata atu te tangata i roto i ta tatou ngai tutu anga, kia akapaapaa te katoatoa ia Iehova!—Sala. 109:30.