Te ka Tuatuaia no te Au Makatini

Te Punanga Tiaki Tianuare-Mati

“Toou manako e ko teia te tumu e kite nei tatou i te manamanata maata i roto i teianei ao? [Tatau ia 1 Ioane 5:19. Tiaki no te pauanga.] Te akaari maira teia atikara ta te Pipiria e karanga ra no runga i te tu o “taua vaerua kino” e akapeea tatou i te kopae anga i tana akakeuanga ririnui.” Akaari i te atikara i te kapi 13.

E Ara! Tianuare-Mati

“I teia tuatau e mea matauia te kopaeanga. Toou manako e te akamanako ra te maata anga o te aronga akaipoipo i te au turanga pouroa e o maira i mua ake ka iki ei i te kopaeanga? [Tiaki no te pauanga. Tatau i reira ia Maseli 14:15.] Te akaari maira teia makatini e a apinga ka tau te aronga akaipoipo kia akamanako meitaki i mua ake ka iki ei i te kopaeanga.”

Te Punanga Tiaki Aperira-Tiunu

“Me patiia kia iki e koai te tangata puapinga roa atu i roto i te tuatua enua, e manganui te karanga ana e ko Iesu. Koia ainei taau ka iki? [Tiaki no te pauanga.] Ka akara ana i te tumu ka tauta ai tatou i te akara matatio i te au manako tukeke no runga iaia kia kite i te tuatua mou. [Tatau ia Ioane 17:3.] Te akaari maira teia itiu takake o Te Punanga Tiaki i ta te Pipiria tikai e karanga ra no runga ia Iesu e tana au apiianga.”

E Ara! Aperira-Tiunu

Tatau ia Angaanga 17:31a. E oti e karanga e: “No te manganui, ko te manako no runga i te Ra Akavaanga e mea taitaia tikai. Eaa toou manako no runga i te reira? [Tiaki no te pauanga.] Te apii maira te Pipiria e ka apai mai te Ra Akavaanga i te au akameitakianga maata ki te enua nei. Te akamarama maira teia atikara.” Akaari i te atikara e akamata ra i te kapi 10.