Te ka Tuatuaia no te Au Makatini

Te Punanga Tiaki Tianuare-Mati

“No runga i te parataito tei taikuia e te Pipiria, tetai taime e ui ana te tangata e, ‘Teiea te reira?’ me kore ‘Ka kite ainei tatou i te reira?’ Na Tei Anga mai teia akapapuanga kia tatou. [E tatau ia Isaia 55:11.] Te pau maira te atikara i te kapi 13 i teia uianga, ‘Teiea te Parataito Pipiria?’”

E Ara! Tianuare-Mati

“Akapeea te au Kerititiano me ariu atu ki tetai tumatetenga tei tupu? Mei tei totouia i roto ia Mareko 13:8, te tapapaia ra te au ngaruerue enua. [E tatau] Ka akamata te au tua pumaana no te tauturu tei orongaia i muri ake i te ngaruerue enua i Aiti i te kapi 20.”

Te Punanga Tiaki Aperira-Tiunu

“Irinaki ana te maata anga o te tangata e e pikikaa te kainga o Edene. Ka poitirere ainei koe i te kite e kua tuatua a Iesu no runga ia Adamu e Eva ei nga tangata tika tikai? [Tiaki no te pauanga. E oti tatau ia Mataio 19:4-6.] Te pau maira teia makatini i tetai o te au uianga matauia no runga i te kainga o Edene.”

E Ara! Aperira-Tiunu

Akaari i te kapi mua e e ui e, “Akapeea koe i te pau i teia uianga? [Tiaki no te pauanga.] Te akamaroiroi ra te au Tuatua Tapu i te tangata kia au ua. [E tatau ia Iakobo 3:17.] No reira, eaa te tumu kare te au akonoanga i taokotai ana i te tangata? Ka riro ainei te akonoanga ei akakeuanga ririnui no te au? Te akara meitaki ra teia makatini i te au pauanga ki taua au uianga ra.”