Tuatua Akatutuanga

Akamata i te Apii Pipiria i te Maanakai Mua o Titema

“Teia tuatau e manako ana te tangata ia Iesu e mei tona tu rai e rua tauatini mataiti i topa, ei pepe i roto i te are angai manu me kore ei tangata i runga i te tatauro. Inara i toou manako e eaa ta Iesu e rave ra i teianei? [Tiaki no te pauanga.] Akara eaa ta teia e tuatua nei.” Oronga i te Punanga Tiaki o Okotopa-Titema ki te tangata ngutuare, e oti uriuri kapiti i te manako i raro ake i te tumu tuatua rikiriki mua i te kapi 26 e tetai irava. Oronga i te nga makatini, e oti akanoo kia oki akaou i te uriuri i te uianga ka aru mai.

Te Punanga Tiaki Okotopa-Titema

“Mei tei kiteia i roto i te au puka e te au teata ou, e maata te tangata e inangaro ana kia kite no runga i te ao vaerua. Toou manako e e au angera tetai e te au temoni? [Tiaki no te pauanga.] I te kapi 16 e te 17, e a uianga puapinga ta te atikara e ui nei.”

E Ara! Okotopa-Titema

“Naringa ka rauka ia koe i te taui i tetai mea no runga i to tatou ao, eaa te reira? [Tiaki no te pauanga.] Te akaari maira te Pipiria i te tumu i kotingaia ai te tangata i ta ratou ka rauka i te akatupu. [E tatau ia Ieremia 10:23.] Te akamarama maira teia makatini i ta te Atua e akakoro ra i te taui.”